由小JM細個個陣開始， 媽媽我就間中都會為小JM唱兒歌， 無他既，都係想親子一下嘛。   慢慢地，小JM越來越大，但媽媽依然會係小JM沖涼個陣同佢唱歌， 每次唱個陣小JM都會報以開心笑容， 呢一種感覺就只有我同小JM先會明白。 （哈哈，無爸爸份喔。）   係唔同階段聽音樂其實都可以俾到小B們唔同既學習機會既， 雖然我唔可以全天候成日唱歌俾小JM聽， 但媽媽我都有買一啲發聲書、發聲玩具俾小JM玩， 等小JM可以隨時都有得聽下歌仔。   其實聽兒歌可以話係最普遍、最初階既啓蒙學習之一， 而家大多數媽媽們都會俾小B們聽下英文歌， 順便俾機會小B們從歌曲中學習新既語言同認知新事物。   閒時放假係屋企個陣，我地會用電視開YouTube頻道， 播放英文兒歌俾小JM聽，順便教同歌詞入面相關既野添架， 例如早期既，可以教小B們拍手打拍子，再慢慢大個啲就可以跟節奏慢慢唱啦！ 有啲兒歌仲可以教導小B們認識唔同既視物，增加對視物既認知感。   Nursery Rhyme既意思係指童謠， 比較適合小B們慢慢學習， 因為當中既字會少啲，而且都係重重複複咁， 比較容易上口，加上有啲歌詞亦會押韻， 所以好岩小B們邊聽邊學。     最近韓日爆紅既LINE動畫出左一系列新既兒歌Video， 順理成章亦成為左小JM既新寵兒， 因為每次小JM見到熊大同Sally就會好不其然咁叫：Bear，Bear！雞雞！ 可能因為小JM對呢幾種動物都有認識， 所以更加鍾意LINE兒歌。   雖然岩岩新出，但已經有好幾首老舊既大熱英文兒兩架！     岩岩講過，揀兒歌最好揀啲易上口，又不斷重複既， 都會有助加強小B們記憶。 今次介紹LINE呢個兒歌系列既歌就真係岩晒， 完全可以俾到小B們一種新鮮感， 就算大人、小朋友、LINE迷一樣會被呢個系列所迷倒， 小JM媽媽聽左幾日都不期然俾兒歌洗左腦， 而家滿腦子都係LINE兒歌  （Rain, Rain, Go away come again another day... ...)   就好似媽媽岩岩腦入面既呢隻歌咁， 歌詞都係比教淺易，方便到爸爸媽媽教小朋友， 而家重複性字詞有助加深記憶，你見我都被洗腦就知啦！   以下有幾首推介既兒歌～( 可以點擊圖片收聽喔）   Row Row Row Your Boat 可以同小朋友一齊玩划船遊戲喔！   Rain Rain Go Away 可以教識小B們Rai既意思， 小JM而家一見到落雨都會話： 落雨，Rain 洗腦曲果然係勁， 但當然都要家長們既配合教導小朋友。   If You Happy and You Know It   Ten Little Browns 其實即係The Little Indian 既LINE版本， 節輕快地教小朋友學數數目。   ABC Song （LINE版） 同傳統ABC Song一樣，只係畫面轉左做LINE卡通人物。   Head Shoulders Knees & Toes 好有趣同輕快節奏既LINE版， 配埋可愛LINE人物， 更吸引小朋友， 當中歌詞有少部份由Toes轉做左Tail， 可以教小朋友多認識一個額外字詞   Twinkle twinkle little star 傳統兒歌，爸爸媽媽一定聽過。 （小JM都好鍾意聽，媽媽成日都會唱～）   Wind and Rain 可以一齊試下整風車，一齊做下手作。   除左以上幾首耳熟能詳既兒歌之後， LINE亦都開始陸續出新歌啦， 不妨有時間播下歌，一齊唱一齊玩一齊跳舞呀， 對親子關係都唔錯架！ 除左聽歌，亦都可以配合歌曲而做一啲簡單小手作， 去令小B們加深對某啲字詞既認識架。   （以上圖片取自YouTube片段）     ♫ ESDlife靚太Club 。 星級榮譽會員 ★ sleepyceci  ♬ ♩ BK Milk。親子語。駐站Blogger  ★ 傑。斯與晴  ♪ ♫ Mami Buy香港媽咪幫。駐站Blogger ★ 傑。斯與晴 ♬ ♩ Ohpama。Oh爸媽。駐站Blogger  ★ 傑。斯與晴  ♪ ♫ 媽媽經 。 駐站精選Blogger  ★ 傑。斯與晴   ♬  ♩ Ubaby Magazine。駐站Blogger  ★ 傑。斯與晴  ♪   歡迎追蹤 小JM 既Fanspage 「傑。斯與晴」： 如有任何查詢/合作，歡迎聯絡我同小JM 參與產品試用或者各樣活動 媽咪既Email係： sleepyceci＠hotmail.com 小JM既Facebook Page： 傑。斯   與   晴 （Jolie Babe。小JM の 成長印記）