《反斗車王》系列都算係陪住我哋成長，由未結婚至到有埋小朋友，我哋依然係車王fans。熱切期待嘅《反斗車王3》終於上映，梗係要全家總動員出動捧場啦！帶埋小朋友一齊去睇感覺熱鬧好多呀！除咗睇戲之外，戲中嘅三位主角仲「駕」臨咗又一城，我哋又點可以錯過呀？ 事不延遲，我哋預備去睇緊張刺激嘅狂熱賽車喇！READY~ GO~~ 入場之前，晴朗爭企第一都爭咗好耐，如果讀書係咁落力就好囉！^^''' 期待嘅心情冇停過，就開場，好緊張呀！等待期間發現原來又一城嘅戲院係完全收唔到電話㗎！OMG~ 唔緊要啦！其實咁樣仲更加可以專注於電影啦！戲院真係安排得好周到呀！XD 套戲都有幾多笑位！晴朗睇得好開心！有啲新血加入戲中，幾有新鮮感！冠軍車王閃電王麥坤一向都唔怕困難，迎難而上。呢份堅毅不屈嘅精神，好值得我哋去學習。不過佢今次真係遇到好強嘅對手，扭轉劣勢嘅過程有笑有淚，結局更加係估佢唔到，好有驚喜！另外，哨牙嘜都好搞笑，好鍾意佢呀！至於詳細劇情，就留待大家入場感受，我唔劇透太多喇！ 電影預告： 睇完戲，大家都身心舒暢。一於去埋又一城 vs 迪士尼．彼思《反斗車王3》賽車狂熱嘅唔同展區睇下囉！ 嘩！呢個就係車壇最高榮譽嘅「洲際杯」喇！好巨形，夠晒霸氣！ 仲有《反斗車王3》嘅三位主角1比1原大造型，好逼真呀！就好似置身響車王展覧之中咁，快啲過去一睹三大車王嘅皇者風采囉！ 佢就係打遍天下無敵手嘅閃電王 - 麥坤 喇！ 車身拉花以至輪呔上嘅字與螺絲都造工精細，好值得細心欣賞~ 呢位係新手教練 - 小薑，估唔到佢女仔人家竟然係麥坤嘅教練嚟喎！佢響戲中仲帶畀大家好多歡樂場面，係一個幾得人鍾意嘅角色~ 車身仲有恐龍拉花，好有氣勢㗎！ 具備最高性能兼外型冷酷嘅車壇新星 - 積迅黑旋風 嚟喇！真係夠晒cool~ 流線型嘅車身，果然係超時代感觀嘅設計！加上尖端科技元素，唔怪之得能夠嬴到麥坤啦！哎吔！又劇透咗添！XD 晴朗可以同三位大明星影相，好興奮呀！*o* 去埋其他展區睇下囉！gogogo~ 嚟到DIY互動專區，大人同小朋友都可以動手整番啲《反斗車王3》嘅紀念品~ $40就有一張共8格貼紙相，有多款反斗車王造型，啱晒一眾車王fans啦！ 晴朗無論去廸士尼定海洋公園都一樣咁鍾意整銅幣，嚟到呢度又點會放過機會丫？不過醉翁之意不在酒，其實佢哋最鍾意係整嘅過程，整咗出嚟亦都好有滿足感！承惠$20/個~ 仲有姓名貼紙添呀！可以為開學做好準備！ 好嘢！有收穫帶番屋企lu~ 跟住就過去MATTEL限定店及遊戲專區睇下先！ 好多fans已經嚟到潮聖喇！我哋都唔例外呀！ Wow~ 戲中見到嘅賽車賽道活現眼前~ 仲可以排隊玩遊戲添！朗朗玩得好投入，十分有挑戰性~ MATTEL限定店有多款《反斗車王3》最新模型車同玩具發售，買任何MATTEL產品，就可以參加遊戲區於假日舉行嘅小遊戲。如果購物滿$100，仲可以大展身手挑戰夾公仔機添！ 有機會贏取豐富嘅《反斗車王3》禮品㗎！*o* 啲車仔真係夠晒新款，連新角色小薑同校巴姐都有齊喎！見到佢哋又諗番起套戲嘅搞笑片段喇！XD 臨走不忘到廸士尼．彼思期間限定店睇睇，店內售賣超過400款《反斗車王3》嘅貨品，包括過百款獨家限定商品、玩具、lego、電玩、文具、飾物、家居用品同服裝等，仲有多達300款以上嘅其他廸士尼．彼思產品，當中包括多款大家都好熟悉嘅PIXAR卡通人物商品。梗有一款啱你口味啦！ 「遇到困難不逃避、不畏縮，努力朝着目標進發」大概就係《反斗車王3》帶畀我哋嘅訊息喇！唔知大家睇完又會get到啲咩呢？不過其實又唔駛特別去發掘當中嘅教育意義嘅！只要一家人享受其中嘅樂趣已經足夠啦！賽車狂熱唔一定係男孩子嘅專利，晴晴好似仲笑得大聲過朗朗呀！大家都快啲嚟到又一城，一齊感受一下呢股全速席捲全城嘅賽車熱潮啦！ 迪士尼．彼思《反斗車王3》賽車狂熱 日期：2017年7月1日 ~ 7月31日 地址：香港九龍塘達之路80號 時間及位置： 又一城全力支持 迪士尼．彼思《反斗車王3》賽車狂熱展覽 時間：10:00 ~ 22:00 地點：LG2層、G層、UG層及L2層 迪士尼．彼思期間限定店 時間：10:00 ~ 22:00 地點：LG2層 《反斗車王3》互動遊戲區及拍照專區 Asia Goal遙控車試玩 時間：12:00 ~ 20:00 (星期一至五) / 12:00 ~ 21:00 (星期六及日) PlayStation 電玩遊戲 時間：10:00 ~ 22:00 地點：G層 《反斗車王3》MATTEL限定店及遊戲專區 時間：12:00 ~ 22:00 地點：UG層 《反斗車王3》貼紙相機、自製姓名貼紙機及銅幣製作機 時間：12:00 ~ 22:00 地點：L2層 又一城限定《反斗車王3》禮品換領 時間：12:00 ~ 22:00 地點：G層 《反斗車王3》Instagram相片打印專區 日期：7月1、2、8、9、15、16、22、23、29及30日 時間：13:00 ~ 18:00 地點：LG2層 活動網址：http://www.festivalwalk.com.hk/tc/whats-hot/event.php?id=1141 BLOGs:
