瞓醒一覺叉足電, 仲要係瞓到自然醒, 真係好爽呀, 今日天氣依舊係陽光譜照, 又可以開始去玩啦. 其實今次澳門親子遊都係以Hea為主, 加上夏天熱辣辣, 所以都係唔可以室外玩得太耐. 所以襯未到中午, 就去玩滑草去了. 查實大潭山郊野公園既滑草場都已經好多人都知, 如果想知點去, 可以去番莎拉既舊聞點去"3人世界親子澳門遊 (中)".  雖然係星期日, 但都唔係好多人, 大概都係十多個, 所以好快就可以再玩一轉. 頭先同Daddy坐, 而家到媽咪啦, 睇吓我地點玩啦. 所以玩既人都會好守秩序, 自己每玩完一次就自己拎番個滑盤上去.  玩了大約15分鐘, 工作人員見個草地唔係好瀡, 就清場10分鐘係場內噴水啦, 嚟了玩咗咁多次, 都係第一次見咋.   玩到咁熱, 最好既做咩呢? 咪就係跳落水玩囉!!!!  雖然酒店就已經check out, 但係其實係2pm之前仲可以憑身份證明文件及之前的房號碼就可以進入一次天浪淘園. 有得玩, 當然要玩多次啦. 呢個Lazy river, 莎拉真係大愛呀, 因為咩都唔做, 飄吓浮吓好relax. 天浪淘園既兒童部份, 陶寶b可能會覺得太bb了, 所以玩兩玩就唔玩lu. 玩夠天浪淘園就返去JW Marriott既泳池玩吓, 應該係話真正游吓水.  玩了水咁耐, 係時候要tea一tea, 之後就沖涼出去再食過!!!!   嚟到澳門, 一定要食世記既蛋牛治, 因為啲蛋真係成半寸厚呀!!!   之後一定唔可以錯過葡撻啦!!!  好味道呀!!!!食到停唔到呀! 每次嚟澳門一定要hea, 不過今次hea到無出過氹仔都係第一次咋, hahaha, 不過咁先似放假架嗎!