夏日炎炎，有時真係熱到唔想外出，係屋企開冷氣就最正，但要諗D有益活動消耗孩子既精力真係要花些心機，今日就分享早排自家製麵粉泥膠過程俾大家，一般市面上買到既大多都係有色素既泥膠，萬一誤吞或對於年齡較小的兒童，都未必適合。所以自家製就絕對安全，獅子囡亦十分鐘意，一玩就可以玩1-2個鐘。 其實玩泥膠除左有益身心外，對於兒童小肌肉的發展十分有幫助，又可以發揮想像力、塑造力、專注力等等。 步驟1：準備材料（麵粉250g, 清水125ml, 鹽125g, 植物油30ml） 步驟2：將鹽放入麵粉中攪伴 步驟3：再分2-3次加入清水，然後攪伴 步驟4：用手不斷搓至表面不黏手，好似搓粉面咁，最後會變成一大塊粉團，* 然後加入植物油 *如想泥膠有顏色，可在放植物油之前，加入食用色素搓至均勻 步驟5：最後只要將油與粉團搓至均勻便可使用。 再配合一些玩泥膠用的小用具，就可以造出千變萬化種玩法，消磨一個下午啦！   《溫馨提示各位媽媽：由於全人工手造，沒有添加任何防腐劑，所以最好儲存係乾爽陰涼，以防香港的濕熱天氣會發霉哦》