今年既書展冇左個BUDDY 陪我, 只係得我同彤彤去咋... 因為我地只有3個鍾時間, 所以我地要好快好快.... 多謝Mifold 既既姐姐送左張 VIP ticket 比我地等我地可以直行直過!!! 我地兩個直衝左上去3/f 既兒童天地先..  好多好多書...  同上年一樣, 入左"新雅" 個 booth 先!!! 先是見到中文書, 彤彤已經面色一沈!!! 左氹又氹先買左呢兩本 呢本係 MaMa Choice..  做人一定要有禮貌...  同埋宜家呢一個年代既小朋友已經唔要知點樣稱呼d親戚架啦!! 所以我地一定要好好保留呢d中國文化比我地既小朋友...  如果唔係個個親戚都會變晒 auntie 同 uncle架啦!! 再行行下就見到佢想買既台灣中文書,  立即兩眼發光...  不過, 當精明既媽媽受過上年買貴左好多既教訓之後,  立即上博客來CHECK 一  CHECK 之後發覺個價係平過書展, 所以影晒相留番回家上網買!!! PS. 媽媽自己都覺得台灣D中文書係好睇D架...  下次同大家分享一下呀!!   咁彤彤重買左D咩呢?? 味就係英文書啦!   有Wimpy Kid, 同埋老鼠記耆... 全部都係買3本以上8折呀! 不過其實重tree house 想買.. 不過媽媽上 Book Depo 睇, 係上網平d, 所以, 呢樹就係咁多啦!! 之後係另一個BOOK 見到有D 好平既 BOX SET  MIFFY 只係$150, 而 Fireman Sam 只係 $50咋...  不過.. 點解 fireman Sam...  彤話妹妹好like呀!!!  真係?!  除左書檔之外,  我發覺書展多左booth 賣補充習作作呀!! 真係有d嚇人呀!! 而呢d booth 係比上年多左架..  唔止有小學既, 連中學既都有呀!!! 除左書同埋習作, 重有D賣玩具, LEGO, 書包既BOOTH! 亦都有一D政府機構既BOOTH 有D遊戲比小朋友玩教佢地一D小知識! 總結:  未去書展之前睇 facebook有好多介紹都好想去睇買... 不過... 到最後因為時間太緊迫都係去唔到架!!! 至於媽媽最愛既 HALL 1 都去唔到呀!!! 不過... 只係行兒童天地都好開心架... 彤彤既小說媽媽都會睇架!! 有童真人都問心D呀!!   最後.. 真係要多謝婆婆提我地拎個拖袋去... 雖然唔係買好多.. 不過咁樣拖就唔會好似上年咁拎到手痛啦!! 重有最重要既係訓練彤彤自己的書自己拖!!! 諗定出年書展一定要請假,  一早去, 買定d野入去食...  行晒2個hall 重有文具!!!   遲下我會分享下一d幾好睇既書架..  千奇唔好錯過呀!!! ---------------------------------------------------- 大家可以 like埋我地 facebook page 咁就可以緊貼我地架!!  https://www.facebook.com/3CMaMa CCML BLOG 都會出現係呢幾個地方: http://ccmlfamily.blogspot.hk/ http://weshare.hk/piyobaby     http://www.mybb.com.hk/home.php?mod=space&uid=10582&do=blog&view=me