產後第一湯－淮山茨實豬骨湯   產後第一湯！唔係上奶湯，唔係大補湯，而係要健脾！ 因為產後媽媽脾胃非常虛弱，而脾主運化，係氣血生化之源，意指只有脾胃好，氣血先會好。 氣血好，太太精神先會好；乳汁才會充足 所以，產後第一重點‼️ 一定係先調脾健胃，養好胃口，先繼而作其他調補 淮山、茨實係平性之餘又健脾養胃既藥材，除左豬骨外亦可搭配螺頭或石祟魚，補脾之餘對手術後傷口癒合好有幫助！ 坐月既調補唔可以心急，要循序漸進先達到最好既效果嫁！ 材料： 淮山 50克 茨實 30克 蓮子 50克 西施骨 400克 瑤柱 適量 陳皮 一角 蜜棗 2粒 做法： 1. 淮山、茨實稍浸軟後飛水備用(以去除藥材中的硫磺） 2. 蓮子、瑤柱洗淨備用；陳皮浸軟刮囊；西施骨飛水備用 3. 將材料放進煲裡加水2500毫升，豬骨水滾後下 4. 煲3個小時即可飲用     ❣️LIKE我地既Facebook Page，keep住share坐月湯水！