自從無意間發現小JM鍾意睇書之後， 媽媽我就好努力咁密識岩小JM玩同睇既書。 希望小JM學到書本知識之餘亦可以發掘到睇書既樂趣。 點解會知小JM鍾意睇書？ 其實都唔知架，只係成日見佢係屋企走來走去無時停， 於是乎有意無意之間，我就拎左幾本書出來， 其實主要係想小JM停一停，靜落來， 於是就同小JM講： 不如，媽媽同你一齊睇書書呀？ 久而久之，唔知點解佢就會自己拎啲書來睇， 有時仲會話叫你一齊睇，話俾你知書入面有啲咩， 當然，就只限小JM識既野啦！哈哈。 有時佢玩到悶，都會突然企係書櫃前叫「書書」表示想一齊睇書。 咩係「推拉轉書」？ 其實「推拉轉書」係指一本含有小機關既圖書，書既內頁都會隱藏著不同既小機關， 有啲頁面需要小朋友推開、拉開或轉動而變出更豐富既畫面。 一改以往書本既平面靜態感覺，從而增加趣味性，吸引及提高小B們學習既動機。 「推拉轉書」既好處？ P 訓練小手肌肉靈活度 「推拉轉書」因為書中設有不同既小機關， 所以可以提供到小B們一個訓練小手肌肉既機會， 有助提升小手和手指既靈活度。 P 提升成功感及自信 而讓小B們自己學習推開／打開不同機關，亦可以提升小B們既成功感添。 P 有助養成閱讀既習慣 「推拉轉書」屬於厚紙書，適合0-3歲既小B玩及學習。 實行寓學習於玩樂之中，邊玩邊學， 為小B既學習過程增添樂趣，從而提高小B學習既興趣。 P 親子共讀，提升家既凝聚力，創造美好回憶 靚媽同型爸們亦可以透過親子共讀時間而打造親子時光，製造更多難忘既獨有回憶添！ 對於小JM對睇書有興趣，其實媽媽都覺得好開心， 所以媽媽都會用心去揀多啲唔同類型既玩具書俾小JM， 今次媽媽就買左一系列既推拉書俾小JM學習同玩。 而我揀俾小JM既呢一套推拉轉書係由台灣 上人文化 所出版既 - Smart 寶寶推拉搖轉書系列 「Smart 寶寶推拉搖轉書」全個系列一共八本，而且仲係厚頁書添！ Smart 寶寶系列 設有不同既主題，當中有幾本更係小JM最愛既讀本添： 我的身體 我的家人 溫暖的家 各種衣物 交通工具 春夏秋冬 各種顏色 好吃的食物 小JM最愛既當然唔少得關於食既《好吃的食物》， 一提到食小JM就會好開心，所以呢本書都好岩小JM。 書入面會提及各式既水果， 建議媽媽們可以買定啲真既水果， 實行邊食邊教，相得益彰！ （呢個系列既推拉書連書既封面頁都一樣有得玩架！） 《好吃的食物》中，除左水果之外，仲有小B們都好喜歡既「奶奶」！ 雖然小JM係全人奶B，但係媽媽要返工個陣小JM都係要用樽飲奶奶架， 所以只係講左一、兩次佢就已經知道，而且仲不停為小B「餵奶」。 小JM仲攪笑到一飲完就俾手勢對住我地講： 無喔。 （果然真係為食喔！） 小分享： 建議爸爸媽媽可以買各式食物、水果俾小B， 實行邊學邊食，又可以知道每樣食物同水果既實體， 比起書本更貼近生活。 《我的身體》，呢一本推拉書既主題正好可以教小JM認識身體各部份， 包括： 眼睛、耳朵、口、鼻子等。 如果一歲個陣有帶小B去健康院檢查， 就會知道下一次既檢查測試（一歲半檢查）就會考小B們對身體各部份既認知。 所以呢本書就剛好可以俾媽媽一個機會教導小JM認識自己。 書中既圖案設計生動有趣，能夠吸引小B們既專注力， 從而加深小B對身體各部份既認識。 小分享： 除左以書本教導小B之外， 亦可以配合一啲英文歌作教學， 如：Head Shoulders Knees & Toes 、If you Happy & you know等， 可以教小B認識身體之餘亦可以一齊輕鬆做伸展活動， 從而締造親子時光。 If you Happy & you know，可以教小B拍手、踏腳之類。 Head Shoulders Knees & Toes ，可以教小B認識身體部份。 如果想靜態少少，亦可以「貼紙」邊玩邊學。 如將星星貼紙貼到小手上，再問小B： 「星星係邊呀？係你隻手度喎。你手係邊呀？」， 可以等小B知道邊度係手，更加可以認識不同既圖案貼紙添！ 《我的家人》，一個可以教導小B認識家中各人既主題小書。 小JM雖然只得16個月， 但已經懂得認人，當然比較常見既就一定係爸爸媽媽同家中既「Auntie」（外庸姐姐）。 除此之外見得最多就莫過於係爺爺同麻麻， 雖然少機會見到婆婆，但每次見到都會記得會好乖咁叫婆婆。 所以媽媽都覺得有一點欣慰。 小分享： 其實教導小B們去認識、開口叫人都需要一段適應期， 始終小B們可能對初次見面或少機會見到既親友會感到陌生， 當下爸爸媽媽就不應該硬要小B開口叫人， 可以改為以Say "Hiya"或"Hello"作開始， 慢慢為小B們打造一個小台階，讓小B們慢慢嘗試。 可以於活動過後臨走前再讓小B嘗試， 如果小B肯，就表示小B已經努力踏出一步， 可以嘗試多加鼓勵； 如小B依然不敢開口，我亦唔主張硬要小B叫人， 爸媽可以改為Say "GoodBye"或"Bye-Bye"作結。 慢慢提升小B們既自信心。 《溫暖的家》，可以教小JM認識家中各個地方及視物。 雖然小JM未識講，但只要我地有「提問」， 小JM都會以身體或手指出相關既東西或方向。 小分享： 每晚沖涼之前， 我地會同小JM講： 我地去沖涼啦，去廁所先除衫衫同片片好無？你可以帶媽媽去廁所嘛？ 之後小JM就會拖住我去到廁所準備沖涼。 到沖涼後會梳頭，俾佢自己試下梳，等小JM知道「梳」有咩用同點用。 大概每晚九點零鐘左右，我就會問小JM： 你仲要唔要媽媽奶呀？我地返房食奶奶啦，去邊食架？ 小JM就會一個箭步衝去房門。 （通常房間係閂左，以免小JM爬上床會有機會跌親，雖然已裝床欄，但安全最緊要。） 我就會問： BB，點樣先會開門架？ 咁樣小JM就會拍門，到開左就會講「謝謝」。 教育小朋友唔係一件易事，除左要有耐性、心機之外， 亦需要一份「愛」。 慢慢從生活中教會小B們一啲生活鎖事， 慢慢學習，不強迫，千萬唔好令小B們感到有壓力， 亦不要過份催谷而令小B失去童真。 ♫ ESDlife靚太Club 。 星級榮譽會員 ★ sleepyceci ♬ ♩ BK Milk。親子語。駐站Blogger ★ 傑。斯與晴 ♪ ♫ Mami Buy香港媽咪幫。駐站Blogger ★ 傑。斯與晴 ♬ ♩ Ohpama。Oh爸媽。駐站Blogger ★ 傑。斯與晴 ♪ ♫ 媽媽經 。 駐站精選Blogger ★ 傑。斯與晴 ♬ ♩ Ubaby Magazine。駐站Blogger ★ 傑。斯與晴 ♪ 歡迎追蹤 小JM 既Fanspage 「傑。斯與晴」： 如有任何查詢/合作，歡迎聯絡我同小JM 參與產品試用或者各樣活動 媽咪既Email係： sleepyceci＠hotmail.com 小JM既Facebook Page： 傑。斯 與 晴 （Jolie Babe。小JM の 成長印記）
