當我知道有左之後, 開心完一排 就著手諗下生完個幾個星期點樣搞啦~ 聽講好陪月要有左第一個月就BOOK 我就係3個月後先決定請 叉燒媽我要番工 又要讀書, 仲要係第一胎 有幾個原因都令我想請陪月 1) 本身奶奶話日日上黎幫我湊B 煮野比我食 ( 諗落佢都係聲控我多, 話佢以前都係咁做...) 2) 奶奶, 媽咪, 同埋我姑媽, 叉燒姑媽意見比較多, 唔想坐月都比佢地煩, 陪月有個協調作用 (我估) 1. 邊度搵陪月? 1) 陪月一站 政府僱員再培訓局(ERB)搞 好處: 免行政費, 肯定個個陪月都上過基礎證書課程 壞處: 新手多, 唔好打算請到個金牌陪月 2) 各中介公司 好處: 有唔岩包換, 點都係個段時間搵到人照顧你 壞處: 質素無保證 同埋好似貴D 3) 朋友介紹 不多說 朋友唔會水你掛? 留意下FACEBOOK有黑名單 也有人推薦的白名單 2. 陪月姐姐工作時間? 以我所見朋友一係8小時, 一係24小時 個人認為24小時都多舊魚, 小B訓教最多訓得3-4個鐘 姐姐又要洗B仔衣服 又要煮野比你食 仲要訓教 第日起身又要再做過 真心需要24小時照顧的媽媽 不如請2個陪月 一早一晚照顧小B比較好 3. 陪月姐姐工作地點 大家一定覺得我係怪人 工作地點梗係屋企架啦 因為叉燒媽有打算係英國生BB 所以都好天真地想請陪月去埋英國 聘請陪月包括以下項目: 包簽証費用(如姨姨要簽証) 包來回機票, 去程及回程也需要計作工時 包三餐食宿(需有房間給姨姨) 一星期放假一天(24小時) (日間陪月)每天工作8小時, 其餘16小時休息 放假或休息時間如要工作需給予超時工作工資 包旅遊保險(包含醫療) 需先給予姨姨每月二至三成的訂金, 返工後在每月的工資內扣除 上班後可每星期或每兩星期出糧一次(以港元計算) 我覺得太貴啦, 最後都係決定係香港生, 以上都係比各位媽媽睇下 4. 陪月價錢 呢個係中介比我的價錢參考 14000-17000, 10次以下 17000至20000, 十多廿次, 20000以上, 資深陪月 我自己就係朋友介紹 (佢做多過30個B架啦, 係媽媽之間介紹) 16K 番5日, 8小時 (30分鐘買餸) 18K 番6日, 8小時 5. 面試注意地方 我多數約係COFFEE SHOP, 一係就佢地上門見 1. 請假事宜 有唔舒服係點請假 有突發事又係點 2. 睇下, 問下食D咩餸 叉燒媽比較垃圾口, 對於食咩餸個D無咩要求, 所以都係輕輕帶過, 叫佢比D相我睇下就算 3. 買餸時間 (有個媽媽話我知 有D陪月可以買餸買成2個鐘.... 我覺得0.5-1個鐘就最理想) 4. 處景題 例如奶奶同我媽嗌交點處理.. 我媽同老公意見唔一樣咁點ETC 5. 為人 叉燒爸係好在意私隱既人黎 甚至佢自己個FACEBOOK都係好少有樣 雖然我地唔係咩大明星 但佢唔係好鐘意D陪月誇張地攬住10個20個B影相又放上FACEBOOK做宣傳~ (一陣再同大家分享下我地有個奇怪經歷) 6. 陪月工作 資料來源: 陪月一站 http://www.erb.org/smartbabycare/tc/Post-natal-Care/Service-Scope.php 我自己個姨姨就肯煮埋我其他家庭成員既晚餐 算係幾好架啦 如果係一次過揀幾個, 可以同陪月講隔2-3日先回覆佢 到時再簽約~ 我個陣有1-2個都好岩心水, 咁難揀都揀左一個岩傾, 開心姨姨 另一個後生陪月姐姐就介紹左比我個媽媽朋友, 佢地傾成左之後, 個姐姐仲買左BB用品上黎我屋企探我~ ------------------------------------------------------------------------------------------------------------------------ 話說個排搵陪月, 一次過好多親戚朋友推左D電話黎 我都唔記得邊個打邊個啦 1) 我坐月可能會番自己娘家, 知道陪月姨姨肯定會見到我媽咪, 所以就約左上去媽咪度見 陪月姨姨最初都無咩野, 介紹下自己有D咩經驗呀咁, 會煮D咩 之後就黎啦 我媽偏好BB係廳沖涼, 大家有得望住佢玩下咁喎 另一方面陪月姨姨話D水會好重 唔想拎出黎 同埋會一地都係水 之後老公黎左 心諗可以隔住佢地啦 話比2-3日我地考慮下先 點知姨姨發晒難 "你都係朋友介紹我架啦 我做成點你地知架, 我好多人要架, 你地今晚回覆我得唔得? 我而家落樓食個飯等你地" 跟住就梗係無請到啦.......................... 2) 係FACEBOOK有個聲稱自己係註冊護士 會夜晚教餵奶 話想黎教我餵同埋介紹陪月比我識 佢約左係出面酒樓見面 之後3人會議咁 不停SELL佢個朋友有幾好有幾好 之後1-2個鐘 佢個朋友係FACEBOOK搵到我 話我知其實自己做過一個B 同埋叫我直接請佢 因為阿姑娘食左佢10K佣喎 以上故事我深信係自己黑仔 希望寫篇野可以提醒下大家唔好中伏啦..... 有咩問題可以EMAIL我 盡力解答下~ 圖片來源: 叉燒媽媽 - 90後準媽媽 邀稿Email: chasiumama@gmail.com Facebook 專頁: https://www.facebook.com/chasiumama
