正當我同老公滿心歡喜阿女增磅進展同飲奶進度，第二個難題黎左啦... 阿女1個月大，開始接受埋身，吸啜力好左，飲奶樽的時候亦無以前咁易喘氣...磅數亦由出世時5.3磅到宜家8磅多...十分理想... 但最近發覺阿女飲奶時好易嗆親，嘔奶程況越發嚴重，最嚴重係食3安嘔1 安，心裡不禁暗暗流淚，擔心阿女會唔會有咩唔舒服.... 於是我地又上網看看其他媽媽有無相似的情形....結果發現又係奶嘴問題...女女吸啜好左，好容易吸得好大啖，所以好容易嗆親，亦因為飲得唔好同成日喊，成日積左好多氣係肚仔，而N牌 的設計並唔係防脹氣的設計，所以一路積埋積埋，肚仔一肚氣，心情差，成日喊，訓唔到易醒，重覆又重覆，成日放屁，結果影響埋排便... 同阿女晚晚糾纏，莫講戒夜奶，只係想佢唔喊都有難度，我同老公起初以為佢開始識扭抱，結果發現佢成晚放屁又痾唔到.... 於是我同老公鼓起勇氣用返PA牌 的奶樽，對呢個奶樽，我地真係有太多唔好的回憶，因為阿女初初返黎用佢，阿女啜左個半鐘先飲1安，跟住換埋尿片又到下一餐....訓覺簡直係奢侈的活動... 咦！又得喎！用返呢個奶樽，阿女真係無咁易吸到氣入去，因為吸啜力好左，比起用N牌, 飲奶速度只係慢小小...而亦因為無吸到咁多氣，心情好左，無咁易喊，夜晚開始有覺好訓，屁屁小左，大便正常返... 可能無咁頂住，佢又唔使咁大力谷便便,無咁易嘔奶，去返一個好的循環...第二關又ko...我同老公樂得又有覺好訓... 用返PA牌二代奶樽，bb 真係無咁多風，同埋如果當你發現bb 好多風，可以順時針按摩bb 肚仔，一來加快腸部蠕動，二來阿女真係會嗝返啲風出黎，之后佢就訓得返無咁易醒... 原來當bb係唔同的階段，就需要唔同的奶嘴...的確我係一個新手媽媽，咩都唔識，可能其他媽媽有其他更好的方法，但希望我地的挫折同經驗幫到其他相類似的媽媽... 始終bb 唔識講野，有時真係咩方法都要試...雖然唔知下一關係咩，但願所有媽媽都能過關斬將，有覺好訓...最重要係bb 健健康康..