Ya~我估我真係遲到無人有...因為已經就快38週先KO走佬袋!!! 一個乖乖既準媽媽，應該大概35週就要準備~因為37週就叫足月，隨時生得 :)   由於住私家醫院同公立醫院既生產入院用單清單會有少少唔同~大家就自行加減啦 :)   準媽媽用品 (入院前準備) - 走佬袋1 : 水杯 梳洗用品 (毛巾、沖涼用品) 沖洗瓶 紙巾 拖鞋 有扣產婦衛生巾2包 網褲3-6條 胸圍 (哺乳內衣或普通內衣) 床墊 電話、尿袋/叉電器 身份証、準爸爸身份証副本 產前檢查記錄   BB用品 (入院前準備) - 走佬袋1  : 初生嬰兒紙尿片30片 紗巾3-6條 無香料/純水濕紙巾 BB潤膚膏     媽媽/BB用品 (入院後/準備出院前) -  走佬袋2 : 媽媽衣服 孕婦衛生巾1片 乳墊 BB和尚袍、手套、襪仔 BB包被   1. 有扣產婦衛生巾 如果你買到網褲，其實買無扣都ok~不過我仲未買到網褲(百佳、萬寧都唔覺眼)，所以買有扣就最穩陣！   2. 床墊 床墊最好買大張啲，因為大家都估唔到有幾多惡露，所以衛生啲，墊下張床~   3. 沖洗瓶 除非你打算每次去完洗手間都沖一次下身，否則都係買個沖洗瓶，方便啲嘛~基本上產科醫院既藥房都有，到時買都未遲~   4. 初生嬰兒紙尿片 呢個係我表姐俾我，因為佢位BB年頭出世好快已經唔可以用初生款，所以大家唔好未生前就買定一堆呀！生左周圍都有得買，唔洗緊張 :)   5. 女性沖涼用品 之前買野送既贈品~係生完之後，下身會比較敏感，用返啲專屬女性使用既沖涼用品會比較好~就算你無打算全身沖涼，但下身點都要保持衛生！   6. BB潤膚膏 其實我唔sure醫院會唔會幫BB沖完涼後搽，不過都帶定啦~   7. 純水濕紙巾 記得帶多啲呀，頭幾日阿b應該會成日痾~用黎抹pat pat係好重要嫁 :p   *相機 呢個item無打係上面既清單，但對我黎講應該係最重要既！ 因為真係好想記錄一下BB出世既嗰刻~   其實大部份野都可以係醫院附近既藥房買到，所以我先懶懶閒唔一早準備 :p 我既心態係陣痛嗰時先再慢慢執，分散下注意力咁~不過因爲俾人話得太多次，只好乖乖執好~   由於我係公立醫院生，所以都唔想一次過帶太多野去醫院，怕無乜位嘛~大家可以既話都分2個走佬袋，叫老公、家人出院前再帶去啦~   我終於都幫蠔豉妹妹開左FB la~大家想睇佢日常無聊事就可以睇下:p 蠔豉妹妹之貓奴生活   Facebook : 80後的人妻「旅」友  Instagram : https://www.instagram.com/wingring/ 邀稿 : wingring417@gmail.com / wingring@ymail.com