相信閱讀在親子生活當中不可或缺，大人細路無人不歡，得知PMQ今個暑假舉辦這個「繪本小島」(名字改得非常日本，我好鍾意！)就帶埋哥哥到這來個親子閱讀Tea Time! 一走進PMQ就會發現有幾個用木搭建的幾個小島，而且上面仲手繪了不同圖案，變成富有繪本特色的在個小島。每個主題小島都係用小朋友最鍾意最感興趣的題材設計，小島上面的書目會每週更換。 5個主題包括： 1⃣ 「鯨魚小島」：深入海洋，看裡面蘊含的無窮生命力 2⃣ 「怪獸小島」：隨幻想世界裏的可愛怪獸起舞 3⃣ 「天文小島」：面向浩瀚宇宙，窺探神秘的天幕 4⃣ 「探險小島」：登上帆船向未知境地出發，展開冒險之旅 5⃣ 「黑夜小島」：以清澈明亮的心靈，把黑漆漆的世界照亮 先提提大家，今次「繪本小島」除咗有過百本教育繪本可以任你睇之外，仲同其他不同單位合作，準備了各個分享會、創意工房、戶外玩讀、故事時段(收費) 大家可以先按下進入看看節目詳情及報名 http://bit.ly/2t3WIj5 我哋先到「怪獸小島」(其實我覺得叫「恐龍小島」更貼切) 因為我家小爺由細到大都特別鍾意恐龍，相信你哋的小朋友好多都鍾意！ 每個小島上有幾本跟主題相應的繪本，都係由Book B從世界各地熱愛創新的繪本出版單位中千挑萬選，每週都會更新書架上的繪本 跟住我哋又走到「鯨魚小島」 這個小島係我最鍾意，覺得最靚的！ 「天文小島」放着的都係關於天文宇宙太空主題的繪本 可能較大的小朋友如哥哥先睇得明！ 仲有呢個雪糕筒造型扮望遠鏡，超攪笑 然後去到「探險小島」上咗帆船出海探險，見到帆船有對眼，整架帆船立即可愛起來 最後一個小島「黑夜小島」放着好多粉筆，俾小朋友任意在這裡塗鴉！不過注意小朋友玩完成條褲都會係粉(當然出得嚟玩就預咗啦) 再行入去發現有更多其他攤位 免費製作迷你繪本，正所謂「自己繪本自己畫」哈～ 設 有閱讀區，大小朋友可以在這裡看書，及有不同講故事時間！ 仲有分享會，各爸媽可以聽聽專業朋友分享，學習如何跟小朋友親子閱讀 大家也不妨在這裡逛逛，看看有沒有心水或小朋友喜歡的繪本，買回家慢慢看！ 鍾意閱讀的哥哥真係無書不歡，又坐低打書釘！ 睇完書後我哋上去5樓 Taste Library 味道圖書館，因為我哋參加了一個水果夏日料理工作坊，大家可以留意官方網頁跟facebook公佈，因為遇有好多其他唔同的親子活動可供參與，但係都幾搶手...一出即爆 這個 Taste Library 我一直都好想嚟，不過要年費 $240 才可入館內看書，而且他們也不常有舉辦活動，所以一直都未有機會到此一遊。不過今日正好參加了這個工作坊，所以超開心！ 而且估唔到負責跟小朋友看繪本講故事的係歐陽應霽先生(霽叔叔) 今日所講的故事跟水果有關，讓小朋友認識水果更多，不只是橙、蘋果、蕉之類，而且從看繪本去接觸水果，真係好特別！ 每當故事講到主角遇到某款水果，我哋就即場可以品嚐果汁，啱啱我哋身水身汗嚟到就最啱！唔止小朋友，大人都有得飲，好嘢！你睇哥哥9秒9飲完，仲問有冇得添飲 故事繼續講落去...「好想吃榴槤，好想吃榴槤，好想吃榴槤，好想吃榴槤....」 幾款果汁都試過，哥哥當然最鍾意西瓜及菠蘿汁啦 然後霽叔叔拎出好多款唔同種類的水果，一一俾小朋友觸摸及聞一聞 呢個叫做「水仙芒果」真係仲大過哥哥個頭 百香果原來係咁嘅樣！ 台灣愛文芒，究竟外面紅色裡面係咪都一樣呢？所有小朋友都一齊估嚟估去 生竹 ，哥哥自己食過但係都唔記得咗，始終都比較少食，今日又可以嚐一嚐啦 嘩，原來火龍果都有黃色！(同埋原來佢仲有另一個好威水嘅名叫麒麟果) 聞落去一D味都冇...哥哥話嘅！ 成班小朋友等咗好耐嘅節目終於到，就係一齊入廚房切開所有生果食啦 每個小朋友揀咗自己喜愛的一個水果放在碟上，準備一陣切開嚟大家分享 霽叔叔先拎個珍藏榴槤出嚟！所有小朋友未食過梗係以為正嘢啦，但係企喺佢哋後面嘅大人就超級期待 我問哥哥食過未，佢話大口氣地話自己「食過啦！」但係佢一食第一啖就...(自己睇啦) Feel到中伏... 心諗已經番唔到轉頭 我估佢想問我有冇水 但係我個答案係唔俾佢飲...哈哈～我叫佢一陣食番另一隻水果咪冇事囉 之後就快快手切開自己舊大愛文芒 幾叻仔喎，仲識得自己介格仔反出嚟 當霽叔幫其他小朋友切水果之際，呢個哥哥就已經等唔切偷食啦 個樣即刻甜番哂 其他姐姐都已經早幫大家切好其餘的水果，有D係要準備一陣間整水果壽司 呢個小朋友已經離開咗自己個位，去黐住人哋...舊芒果 呢個叫做「紅毛榴槤」，原來只係個樣似，個味道好似青檸，好好味！ 仲有紅石榴！開出嚟跌出的好似一粒粒紅寶石 然後再每人一粒紅毛丹 呢個哥哥食得幾滋味，從冇諗過要餵我食番啖 跟住霽叔就教小朋友整水果壽司啦 好吸引呀！唔知道配合埋珍珠米飯同紫菜會變成咩味道 似模似樣喎！ 不過因為水果好濕嘅原因，所以都幾難切出嚟可以好靚仔 不過我就係要記錄低呢一碟我同哥哥整出嚟嘅傑作 之後佢無端端自己又再做多一卷 然後叫人幫佢用保鮮紙包住，話要帶番屋企俾媽咪同妹妹食 之後我哋留低咗喺味道圖書館一陣，呢度放着好多同味覺有關的圖書，不論繪本或是文學，大人細路都總有本適合看 大家都快D嚟「繪本小島」同小朋友過番個親子閱讀時光(去到8月13日咋！) Photo by CANON 5D Mark IV, Len | EF 24-70mm f/2.8L USM 想跟我去體驗其他活動，快D報名親子團，同埋留意專頁公佈詳情啦！ http://goo.gl/forms/CNZMEPoMIWkouK8o2 呀劍評分: 10分 呀劍評語: 一個超有意義又夠哂親子的活動，可以在PMQ跟小朋友慢活一番，加上參加各個工作坊，從閱讀繪本發展到其他藝術活動及體驗，真係好得意，更充實整個行程。 《繪本小島 Picture Book Adventures》 日期：2017年7月28日(星期五) – 2017年 8月13日 (星期日) 時間：11:00am – 7:00pm 地點：PMQ 元創方 Courtyard & Marketplace, S710 協辦單位：Book B、綠腳丫親子讀書會及多個PMQ創意單位 其他工作坊/分享會尚餘少量名額：http://bit.ly/2t3WIj5 【一場設計美學x創意教育的親子歷險】 不少家長都視繪本為教導孩子知識和道理的工具書，其實繪本又豈止如此？今個夏天，PMQ元創方夥拍本港獨立出版書店Book B、熱心推動親子共讀的綠腳丫親子讀書會及多個PMQ創意單位揚帆起航，帶大朋友及小朋友遊歷【繪本小島】：欣賞難得一遇的環球繪本展，沉醉「世界繪本店」的氛圍、參加一系列互動繪本體驗。 【世界繪本展 —— 集結逾120部美學教育繪本】 「繪本小島」藏有逾120部美學教育繪本等待親子們來發掘！它們都是由Book B從世界各地熱愛創新、抵制罐頭生產的繪本出版單位中千挑萬選，高達八成以上不曾見售於本港一般書店和傳統書展，當中包括培養孩子創意想像和美感的作品、顛覆書本形象及專門為家長而設的繪本等，通過獨特的展示方式，把這些一生受用的寶藏介紹給懂得欣賞「美」的愛書人。 【5個繪本主題小島——精選書目每週更換】 由本地藝術家王天仁用最簡約的設計和手繪上色營造出富有繪本特色的5個小島。每個主題小島均以小朋友最感興趣的題材設計，配以Book B每週更換的精選書目，讓大人、小朋友在繪本書海中遊歷小島。主題包括： 1⃣ 「鯨魚小島」：深入海洋，看裡面蘊含的無窮生命力 2⃣ 「怪獸小島」：隨幻想世界裏的可愛怪獸起舞 3⃣ 「天文小島」：面向浩瀚宇宙，窺探神秘的天幕 4⃣ 「探險小島」：登上帆船向未知境地出發，展開冒險之旅 5⃣ 「黑夜小島」：以清澈明亮的心靈，把黑漆漆的世界照亮 【近20場互動體驗——分享繪本共讀及創作之樂】 PMQ元創方聯同香港綠腳丫親子讀書會策劃人柯佳列 (長頸鹿) 把本地繪本創作人劉清華及林建才、教學培訓講師張王淑蕙 (Apple姨姨)，以及對岸的台灣繪本界代表的小熊出版總編輯鄭如瑤、得獎繪本作者張又然都請來，在「分享會」及「故事時段」環節分別探討繪本的創作與出版，及分享共讀技巧，替你解決有關繪本的奇難雜症。而中環繪本店Seeds主理人譚再思 (Joyce) 亦會通過「故事從家開始」分享會，跟大家一同分享如何用繪本培養良好親子關係的秘訣。 另有一系列互動體驗工作坊，大「玩」繪本，例如「戶外玩讀」環節將舉辦日本繪本x香港唱遊的「《烏賊大王做體操》身體遊樂場」活動，「創意工房」環節則呈獻「《爺爺的不可思議動物園》歪像畫工作坊」，帶領小朋友改變視角，畫一隻可在圓筒魔鏡上正常展示的歪像動物，從而認識生態變化，喚醒愛地球的心。 (以上資料更新至文章當日) Facebook專頁: 呀劍萬帥 kimfamilytravel Blog網誌 : kimfamilytravel.blogspot.hk
