好多後生仔(注意90後已經唔係後生)一聽到小朋友喊都覺得煩、討厭、內心已經爆粗。如果係夜晚或天光聽到隔離屋個契弟喊到拆天，搞到你冇得好訓，你應該想報警投訴，捉走呢條契弟…. 但朝瞳呀媽想講，停一停，睇一睇。因為小朋友可能發惡夢或身體唔舒服，通常喊15-20分鐘，將不安發洩喊完就會訓著。同埋父母已經好焦急同無奈，知道要盡快安撫小朋友。朝瞳一個月都有2-3次發夢嚎哭，唯一可以做就係不斷抱住安撫佢。 尋晚朝瞳發作，令我今日有感而發…覺得香港社會對於接納育兒一事，感覺好表面。要大眾尊重育兒，唔係商場有個親子廁所就係。相信好多呀媽單拖帶小朋友出街會感受到幾唔friendly，揹住個仔，單手拎BB車上巴士/小巴﹔好逼嘅車箱呀女喊個個牛咁眼望住你。其實…後生仔幫下手都得嫁! 幫手拎上車﹔對小朋友笑下，拎個鎖匙扣氹下佢….. 你唔開心，朋友都叫你喊出嚟舒服啲啦! 小朋友喊都需要發洩，畀適當容忍，係街上多啲留意有冇需要幫手嘅單拖呀媽……因為你都有呀媽生，你都有機會做人父母! 如果真係聽到喊成幾個鐘以上，就真係要報警，因為唔知有冇人獨留兒童在家中…… 朝瞳氏の日常Facebook