暑假係一班細路最Happy嘅時間，但又係媽媽最Busy嘅時間，要諗去邊玩、又要準備開學用品。即將番N班嘅朝瞳，除咗交一堆通告，仲有十張學生相! 係十張….. 影一打都幾乎交晒，仲要安排時間帶埋套校服出去影，未必個個呀媽都安排到! 不妨用手機自己整，大人細路都啱，最重要係……..一張4R係快圖美Online shop沖晒只係$1.5，你已經有6張! 大概步驟，我會再逐點講: 1.叫百厭星著好校服，正經貼住幅牆，用手機影 2.如果覺得張相唔夠光，先執相  (iPhone 的話用內置Editor都夠) 3.做褪地 (為大家介紹一個超易上手嘅App) 4.拼圖，一張4R有6格 5.Online 晒張 6.拎相 7.剪埋，交得 —————————————- Step 1  叫百厭星著好校服，正經貼住幅牆，用手機影 其實係屋企影最重要，搵幅牆企定定影就可以。影上半身，記得見到校徽。仲有留意光源，最好由正面或45度方向照住小朋友。同埋，屋企係白燈定黃燈，如果屋企本身係黃燈，你可以出去影喇~ 因為黃燈相都幾難執下，至少唔適合新手。 成個DIY過程最難係….叫佢正經暘張相(汗)   Step 2 如果覺得張相唔夠光，先執相 其實用iPhone影的話，影相時已經可以推光，長按個mon就會出現調較光線。真係影完都唔夠光，用內置 Photo Editor調較一下都足夠。 Step 3 做褪地 重點~ 識用手機褪地，就有好多玩法! 而呢個App 簡單得嚟，效果又最好。 就係佢>>Background Eraser 安裝之後開始，揀相，進入Eraser 功能 最強大嘅功能出現喇 揀中間嘅Targer Area，之後點選一下唔會嘅地方，燈一聲就冇晒!(呢個音，我配的) 如果影嘅時候，背景夠乾淨，就會自動做到9成去背! 仲有少少位未去到，就可以用Eraser，放大圖像，慢慢褪~ (可以參考以下圖片) 揀中間嘅Targer Area，之後點選一下唔會嘅地方，就冇晒! 仲有少少位未去到，就可以用Eraser，放大圖像，慢慢褪~ 褪地完，你仲可以微調!  完成之後，大家Save做white jpeg就變成一色白色背景嘅學生相喇~ Step 4: 拼圖，一張4R有6格 用手機拼圖應該難唔到大家，最好用Photogrid，一開六，橫向，比例揀番 4:3 就可以! 同埋記得要remove Photogrid嘅水印，之後Save! **要提醒多一次，係褪地同拼圖嘅時候，要不時留意人像位置，會唔會太大、見唔到校徽或太細咁~ Step 5 – 7.Online 晒張> 拎相 > 剪埋，交得 晒相我暫時都係用Fotomax 快圖美，都真係幾方便~ 交相容易、拎相嘅地方又多~ 不過就有最低消費為 HK$12.00，以一張4R $1.5，即係要晒8張，如果你全部晒學生相，即係 8*6 有48張….. 不過，一定唔會晒咁多啦! 可以晒下自己相都得! 晒3張，都已經有18張好足夠了! 都只不過係$4.5咋~~ DIY 學生相啱晒喜歡親力親為嘅媽媽們、又或者好趕時間嘅情況~ 學識左，做多幾次就可以幫埋屋企人整! 超方便! 如果有唔明或指教嘅地方，歡迎討論。  朝瞳氏の日常