炎炎夏日，氣溫之高，當然要去玩水降一降溫啦！聽聞海洋公園今年夏水禮加入咗新元素，除咗玩水、玩泡，仲有沙同水彈玩，而且有過千隻黃色duck duck一同慶祝海洋公園開業40周年添呀！一於入去感受一下，過番個涼浸浸嘅夏日囉！去海洋公園就去得多喇！但係著泳衣入場都係第一次。爽呀！*o* 之前到「怡慶坊」睇過魔術匯演，估唔到搖身一變就變咗充滿夏日色彩嘅「激FUN玩沙大派對」。晴朗都好心急！腳步加速向前推進~ XD 一入場就到處跑，來來回回穿插於「童樂水隧道」，心情十分高漲！想閃避噴灑落嚟嘅水花唔係咁易，好快就全身濕晒喇！ 嚟到「超級巨沖」區域，晴晴已經玩到忘晒形~ 噴灑嘅水令到晴朗好hyper，實行興奮到彈起呀！XD 無論大人定小朋友都好鍾意企晒響呢個位置，皆因樓上果個超巨型水桶注滿水就會倒水落嚟㗎喇！個個都好期待~ 就係咁，一分一秒的過，幾時呢幾時呢？等待嘅心情真係既期待又興奮呀！ 越嚟越多人埋嚟一齊等，一齊起哄，好熱鬧！ 大水桶要倒水喇！爆布嚟喇！有人繼續企定定、有人閃避、有人逃跑... 呢個moment大家都好開心！水四灑，透心涼！Wow~ hoo~ 晴晴雖然變咗落湯雞，但心情十分暢快，仲話要再嚟多次~ 唔駛一陣，又嚟喇！爽呀！過足癮~ *o* 玩完一大輪水，不如過去玩「泡泡狂熱」囉！~ 浸落去泡泡池係咩嘢感覺㗎呢？好想試下，快啲入去囉！ 晴朗好快就被泡泡重重包圍，輕飄飄又柔軟嘅泡泡，質感令人好舒服~ 你潑下我，我又潑下你，再吹走啲泡泡。好好玩呀！ 突然好似落雪咁嘅？發生咩事呀？ 原來隔一陣，上面就會灑一大堆泡泡落嚟！快啲閃避啦！ 晴朗不但冇避開，仲同其他小朋友一擁而上，玩得好瘋狂呀！ 晴晴伸開雙手期待灑泡泡嘅來臨。泡呀泡，快啲落嚟啦！XD 泡泡池有埋花灑可以沖身淋浴，又玩水又玩泡，究竟玩得邊樣呀？~.~ 玩水玩泡後，唔爭在玩埋沙啦！^o^ 呢度可以畀小朋友玩堆沙，發揮無限創意！ 晴朗合力做梗大project，好難得咁合拍，係訓練合作精神嘅好機會呀！ 水-> 泡 -> 沙，跟住又輪到玩水喇！小朋友都愛玩水，地面噴上嚟嘅水原來可以有唔同玩法㗎！ 可以穿梭水柱來回跳舞，不過舞姿有待改善啦！XD 潑呀！接呀！最鍾意就係踩住啲水唔畀佢噴上嚟！走嚟走去，總之碰到水柱就會好開心！wa~ haa~~ 朗朗太high喇！突然上演一場水舞間，晴晴睇得十分雀躍！~ XDD 差啲唔記得咗入場嘅時候攞咗「互動沙雕工作坊」嘅飛，夠鐘去上堂喇！ 工作坊會有世界著名雕塑大師嚟教我哋做沙雕，好勁呀！ 我哋即將要運用唔同工具嚟整一條魚~ 首先要堆砌魚嘅身體，然後整魚嘅尾巴同眼睛~ 跟住就用匙羮響魚身上按壓，話咁快就整好一片片嘅魚鱗喇！ 用沙雕成嘅魚栩栩如生，果然係大師級手勢呀！ 晴朗都好落力整，大師同職員都會在旁協助小朋友~ 整埋魚鰭就搞掂！我哋學識咗整沙雕喇！Yeah!!! 大師落堂後又馬上繼續為佢嘅作品趕工。呢隻蜥蜴整得好似呀！真係大開眼界！ 另外仲有兩幅巨型沙雕作品，都係出至雕塑大師同埋團隊共同創作㗎！ 一幅係以陸上動物為主題，我見到有馬騮、蛇、大熊貓同樹熊呀！ 而另一幅係以海洋動物為主題，好大條蘇眉呀！ 夏水禮特別設有更衣室同埋寄存服務，更衣室冷氣都幾凍，換衫要快，唔係「攝」親就弊喇！ 換好衫之後經過「怡慶坊」隔離嘅「勁爆夏日障礙賽」，好想玩！ 不過有高度限制，未夠120cm嘅晴朗唯有番去努力增高，下次再來過啦！XD 唔駛失望！去威威天地行下，玩下，好快又開心番㗎喇！^^ 平時玩開嘅搖控船變晒duck duck喎！去玩番鋪囉！ 晴晴控制5號粉紅色鴨仔，朗朗就控制6號藍色嘅！見到啲鴨鴨悠悠閒咁駛近，好過癮！晴朗都玩得好投入呀！ 遊戲攤位都變埋duck duck，仲有唔同大小嘅小黃鴨做獎品，可以碰碰運氣，睇下可唔可以帶番隻番屋企啦！ 果啲鴨鴨邊及我呢啲大隻吸睛呀？過嚟影相仲好啦！Yo!!! 「經典鴨仔樂悠游」好震憾呀！6500隻鴨仔響大水池度悠閒自在咁游水，超可愛~ 咁得意又點可以唔留倩影呀？cheers~ 鍾意鴨仔嘅朋友，就唔可以錯過「經典鴨仔禮品店」喇！有好多duck duck產品同埋海洋公園限量版精品㗎！唔買都入去睇下啦！XD 「HELLO! HELLO!」，鸚鵡好醒目，一見人就打招呼喇！ 佢個名叫Kitty，但係男孩子嚟喎！哈哈！一齊影相啦！cheers~^^ 嚟得威威天地，又點少得玩樂一番丫！盡情去玩囉喂！ 射水大賽 旋轉木馬 充氣彈床 總之咩都玩一餐，不過唔好漏咗仲有一項濕身活動未玩喎！ 今次入海洋公園主要係想玩水，梗係要過埋去高峰樂園動感天地玩「水戰大激鬥」啦！ 坐海洋列車過去，話咁快就到！ 到喇到喇！呢個就係水戰場地，每邊有4格，可以畀三五知己鬥過你死我活，務求令對方渾身濕晒為止~ XD 每組會獲派一桶水彈，預備好未？我同朗朗一組，要大戰對面嘅晴晴+晴朗爸爸喇！Ready~ go~ 放好個水彈入去紅色兜度，一拉一彈就可以發炮！FIRE!!! 嘩！水彈爆開啲水四散，威力驚人，快閃避呀！XD 濕身之旅嚟到尾聲，總不能夠空手而回，晴朗又有收穫喇！^o^ 我都有呀！勁鍾意呢隻印上「晴朗天」嘅duck duck，好有紀念價值呀！*o* 大家都可到海濱樂園香港老大街DIY經典鴨仔，將個人訊息或名字印上小鴨，就可以擁有獨一無二嘅鴨仔留念喇！ 冰雕就睇過喇！沙雕都係第一次睇咋！仲可以落手落腳跟雕塑大師學整沙雕魚，唔好聽錯，唔係沙甸魚喎！呢啲經驗好難得！濕身刺激過後，涼浸浸，好爽呀！玩到餓又可以嘆埋海洋公園新出嘅一系列鴨仔食品： 鴨仔甜品同小食都咁可愛，會唔會唔捨得食㗎？全部都可以到「水都餅店」購買㗎！有興趣玩夏水禮嘅朋友亦可以考慮海洋公園每逢星期五、六、日延長開放嘅夏日夜場優惠。5點後入場，可以玩到9點。門票於7-Eleven、海洋公園正門售票處及網站有售。大家都一齊嚟海洋公園投入濕身狂歡，盡情享受透心涼嘅夏日啦！ 夏水禮夜場日期：14/7/2017 ~ 27/8/2017期間，每逢星期五、六及日 (8月26日除外)時間：17:00 ~ 21:00入場費用：海洋公園正門售票處及官方網站成人 $288；小童(3-11歲) $1447-Eleven成人 $248；小童(3-11 歲) $124 海洋公園開放時間及入場費：開放時間：14/7/2017 ~ 27/8/2017*:星期一至四 10:00 ~ 20:00星期五、六及日 10:00 ~ 21:00#*26/8/2017之開放時間為10:00 ~ 18:00#海濱樂園部份景點開放至晚上11時 入場費用：成人 $438；小童(3-11歲) $219 網上活動資訊：http://www.oceanpark.com.hk查詢電話：3923 2323 FIND US on:      BLOGs: CONTACT US: