次次拎淘寶都好似收到禮物咁開心 咩都平咩都買，而家就黎睇下今次買左Ｄ咩 １。瘦身帶¥ 62.00 之前係出面紮肚見有效果同腰骨無咁痛，就自己買返黎試下包。 Ｄ料幾好，同出面包既一樣！ ２。束腹帶+盆骨帶¥ 68.00 ，BB枕頭¥ 16.80 用瘦身帶前我會加左束腹帶同盆骨帶先圍身，咁會似出面紮肚多Ｄ 不過就無咁實，但都好過無。同埋易Ｄ固定個位 我個人比較鍾意選擇無彈性既紗布料， 因為有彈性其實無咩用，好易鬆返開。 而BB枕頭好舒服，無味，COTTON料 3。床單４件套¥198.00 呢個真係真心靚，ｄ料比想像中靚 同相係一樣！忍唔住即拎去洗！ 4。BB褲仔¥12.80-15.80 料係薄身料，夏天著好適合！ 好多款選擇，但係呢間店發貨速度太慢啦！等左成個星期先發貨。 ５。ＢＢ蕾絲衫¥28.00+帽子¥12.00，攝影道具¥35.00 係屋企玩下幾得意，如果b女係大隻妹既話，件衫可能會緊dd 因為阿女買大size都係剛剛好~ 如果買埋個張野影，記得搵ｄ圈買埋可以圈住幾多個月個ｄ 今日影既時候先發現無，是但拎條絲帶整住。 ６。熒光劑檢測筆¥ 49.80  方便易用，同埋夠晒輕，如果出街可以拎埋去 睇下d 衫有無熒光劑先買, 試過拎d大人小朋友既衫測試，大人好多衫都有架！ ７。Mickey 嬰兒車雨罩¥38.00 呢個雨擋之前係fb見到人地買成70幾80蚊都一堆人去買 點知copy個圖去淘寶搵一搵就有，仲平成半！ 而家係fb買野，真係張張相都拎去淘寶搵下先 ９成都係淘寶貨！ 今次分享住咁多先，下次再分享其他～ 買野真係太開心，日日都要洗下錢   大喬與小喬:https://www.facebook.com/ckkbbq/