我已經再放假呢支歌仔唱一耐喇！上星期日姐姐趁還在可以幫輕下洗碗工作嘅時候，早餐煮了香蕉Pancake比孖寶同佢地爸爸食，可以閒來有心思煮下野食，心情真係最愉快！     之前孖爸一直都話想食Pancake，咁岩屋企又有幾隻好熟的香蕉。於是就決定用香蕉加蛋做個唔落麵粉嘅簡易Pancake啦！其實如果隻鑊係唔’’黏’’底，時間同火喉都控制到，可以話係易整易成功，最重要真係好好味，好重香蕉味唷！     另外，亦好適合都係關注健康嘅你，呢款pancake比其他一般的pancake嘅卡路里低好多，絕對係健康之選。 一齊來睇下呢個香蕉Pancake的食譜啦！ 材料: 香蕉 1/ 熟透香蕉: 3只 2/ 雞蛋: 3只隻 3/ 鮮奶 (optional) 4/ 麥皮 (optional)       做法: 1/ 首先將熟透嘅香蕉切成薄片 2/ 將香蕉片用叉壓爛至糊狀，如果屋企有攪拌機都可以直接打碎 3/ 我的做法係用攪拌機，加入香蕉片同雞蛋一齊攪拌至無顆粒，成蛋漿香蕉混合物     4/ 為增加口感同埋更健康，可加入一點Cereal麥皮同鮮奶 (optional)   5/ 預熱煎鑊，落少少牛油係唔''黏''底嘅平底鑊     6/ 倒入香蕉蛋漿，用細火慢慢煎到起泡，之後就用鑊鏟鏟起已成形嘅pancake，反轉再煎多around 1 mins，兩面煎至金黃色，即成       孖媽小貼示:  - 有朋友喜歡加鹽提味的，亦可以在蛋漿中加入，不過由於我係一次過整埋比BBs食，所以係無加的。 - 亦可以淋d朱古力醬上面來伴食。 - 記得要趁熱食呀！ - 留意蛋漿香蕉混合物唔可以太水   - 一隻唔’’黏’’底嘅平底鑊其實係最重要 我和孖寶的Facebook Page: 荔枝與孖寶  我和孖寶的 Instagram IG#: laichimama Oh爸媽 - ohpama.com: Featured Bloggers MamiBuy香港媽咪幫：駐站部落客 Sunday Kiss: Featured Bloggers SuperMami HK：Featured Bloggers Beauty Exchange：Certified Blogger WeShare HK 親子： 推薦博客 ESDlife: 「靚太星級榜」Blogger 廿四孝父母 - 24parent.com: Featured Bloggers 媽媽經台灣/香港站: 駐站作家   If there is any question or you looking for me and the boys,  please feel free to contact LaiChiMaMa via Email: cherrywcchan@gmail.com