早幾日收到朋友既訊息， 得悉朋友既小B因為感染左「輪狀病毒」而需要入院留醫， 作為朋友聽到都已經會替小B擔心不已， 更何況朋友作為媽媽既就一定更心痛及擔憂。   「輪狀病毒」，近年間都成日會聽到政府既電視宣傳影片會有提及， 而片段中既小B就係因為感染「輪狀病毒」而需要留醫， 媽媽就見到小B要插喉，真係心痛到聲淚俱下。 [ 〈影片轉載自YouTube〉   朋友既小B雖然留醫， 但朋友仍不忘提醒我要做好預防，以免受感染。   「輪狀病毒」何解會對小B們造成傷害甚至死亡？ 不如一齊了解一下「輪狀病毒」， 同時了解下可以點去預防，及早做好準備，防範於未然。   認識「輪狀病毒」 輪狀病毒, 係一種最常令到小B們肚瀉既病毒 呢種病毒係顯微鏡下呈現輪狀，因而被命名為「輪狀病毒」。   輪狀病毒係最易引致病毒性腸胃炎既病毒之一， 通常受感染後就會出現水性肚瀉及嘔吐， 同時亦可能會有頭痛、發燒、肌肉酸痛等既徵狀。 輪狀病毒有數天既潛伏期，所以病者未必能夠即時發現， 同時亦具有傳染性，而病況可持續數天至十天不等。   「輪狀病毒」感染途徑及病徵 輪狀病毒主要透過口糞而傳播， 同時亦會透過飲用或進食受污染的食水或食物而感染到 若曾經接觸到病患者或受污染物件表面的話，亦有機會造成感染。   感染輪狀病毒後，病者會有以下病徵： 。出現水性肚瀉（即痾水） 。嘔吐 。頭痛發燒 。腹部痙攣 。胃痛 。噁心 。肌肉酸痛  等徵狀...   如果小B不幸感染既話，會有機會因為痾、嘔而造成脫水，情況嚴重既話更加會有性命危險架，所以要盡早求醫呀！   「輪狀病毒」預防措施 如果想有效地做到預防輪狀病毒既話， 必須從三方面著手：個人衛生、環境衛生及食物衛生   個人衛生 1.）不論外出與否，都必須於進食前及如廁後以洗手液洗手，以保持雙手清潔     因為大部分感染者都係經由口糞傳染既，     所以爸爸媽媽們幫小B換片後都需要好好潔淨雙手呀，以避禍及小B，因小失大！ 2.）如不幸感染，出現肚瀉及嘔吐就要盡快求醫 3.）要小心處理，避免由病患者照顧小B或年老長者，以減低感染機會   環境衛生 1.）要保持室內空氣流通，以免病菌積存 2.）如有需要清理污物（如嘔吐物／便便），就要記得戴上口罩同手套先好清理，     清潔完要記得洗手呀！ 3.）清理污物（如嘔吐物／便便）時，記得要用1:99既消毒清潔劑消毒，以達至除菌效用。   食物衛生 1.）需要徹底煮熟食物，預備食材時亦要適當地分開生、熟兩類處理，以免會交叉感染到細菌 2.）避免飲用未經煮滾既開水 3.）食物及食材需要徹底洗淨   其實以上幾大項都只係概括咁說明左一般要注意既野， 當中仲有好多細項架，爸爸媽媽都要好好留意呀。       「輪狀病毒」疫苗接種資料 輪狀病毒係目前而言原來係未有任何藥物可治療既， 醫生只能夠設法去紓緩症狀而已， 例如以靜脈注射去補充流左失水分， 以及控制病者既體溫。 所以，想要預防輪狀病毒，就可能真係需要接種疫苗啦。   而係坊間會有兩類唔同既輪狀病毒疫苗，劑量同效用亦都會有唔同。 我就打左一個表，等大家方便一啲去參考同比較： （資料來源：Kinetics）   以小JM而言，我地揀左較為普遍及多人服用既 兩劑輪狀病毒口服疫。 食左口服輪狀病毒疫苗之後，小B可能會對藥物有少少既反應， 而每個小B既反應亦都未必會一樣。 有機會會出現發燒、肚痾、不願進食， 但如果情況唔嚴重就無需要太擔心。 而小JM因為係私家診所服用口服輪狀病毒疫苗， 所以會有俾定退燒藥，用作「看門口」之用，以防萬一咁話。       ♫ ESDlife靚太Club 。 星級榮譽會員 ★ sleepyceci  ♬ ♩ BK Milk。親子語。駐站Blogger  ★ 傑。斯與晴  ♪ ♫ Mami Buy香港媽咪幫。駐站Blogger ★ 傑。斯與晴 ♬ ♩ Ohpama。Oh爸媽。駐站Blogger  ★ 傑。斯與晴  ♪ ♫ 媽媽經 。 駐站精選Blogger  ★ 傑。斯與晴   ♬  ♩ Ubaby Magazine。駐站Blogger  ★ 傑。斯與晴  ♪   歡迎追蹤 小JM 既Fanspage 「傑。斯與晴」：   如有任何查詢/合作，歡迎聯絡我同小JM 參與產品試用或者各樣活動 媽咪既Email係： sleepyceci＠hotmail.com 小JM既Facebook Page： 傑。斯   與   晴 （Jolie Babe。小JM の 成長印記）