夏天天氣炎熱，不其然令人胃口大減，就連小B們都唔例外。   呢排天氣又熱又焗，小JM就更加無耐性去食飯。為左令小JM可以再次乖乖進食， 媽媽就為有整新野俾小JM試， 希望可以吸引到小JM，令小JM可以有返多啲胃口再食多啲飯。   而今次我準備為小JM煮既就係 － 鮮淮山杞子粟米雞肉飯   相信好多靚媽都知道淮山對身體好而且有益，所以閒時會用來煲湯添。 但對淮山既認識同功效你又知幾多呢？   不如等小JM媽媽來一齊開心Share一下小知識呀～^^～   淮山的認識 淮山，原名為「薯蕷」，又稱為「蒣」，是薯蕷科薯蕷屬的一種植物。 而因為「薯蕷」既原產地係位於淮河附近，所以就有「淮山」之稱。   淮山既功效 1.）健脾益胃，有助消化 淮山當中含有澱粉酶、多酚氧化酶等物質， 對於幫助脾胃消化同吸收都有一定既功能。   2.）益氣養陰、益肺止咳 淮山本身含有黏液，有潤滑、滋作用，所以能夠益肺氣、養肺陰， 而且仲可以用作治療肺虛、止咳、除痰添。   3.） 降低血糖 淮山藥裡面含有粘液蛋白，有著降低血糖的神奇作用，還可用於治療糖尿病，是糖尿病人的最佳食品。   4.）  滋腎益精、止帶     淮山大多數分為鮮淮山同乾淮山，原來功效都會有少少唔同架。 鮮淮山大多數都會以食用為主，即係拎來煮多，而鮮淮山就有較為好既補陰生津功效。 乾淮山係中醫角度而言就多數係藥用，因為乾淮山有較好既健脾止瀉效用架。 所以便秘既人可能就唔適宜食太多啦。   好啦，簡單介紹左淮山同功效之後又係時候入返正題啦。   介紹返今次既主角 － 鮮淮山杞子粟米雞肉飯   鮮淮山杞子粟米雞肉飯 材料： 鮮淮山 杞子 粟米 雞肉   做法： 1.）     先將鮮淮山洗淨，再將淮山既外刨去 之後就可以將淮山切小段，並置放於水中以防發黑   2.）預熱一煲滾水，再將已預先除去粟米衣及粟米鬚既栗米切段， 待水滾後將粟米放入，再置放蒸架及碟，將鮮淮山放入蒸熟備用。 杞子置放於碗中浸泡備用，即可。   3.）約十數分鐘後將已蒸至軟身既鮮淮山取出，並以匙羹將鮮淮山壓成蓉，備用 4.）將栗米取出並拆粒再將已拆出既栗米放於攪伴機內，加少少水， 將粟米粒輕輕打成蓉 小技巧： 可以用一板筷子作幫助，先摌走其中一行， 要用手慢慢逐行拆出   5.） 最後將粟米、鮮淮山、杞子及雞肉置放於小燉盅內， 一併煮理繼30-40分鐘，即成   食之前將飯撈飯落去就可以俾小JM慢慢食啦。 難得有新野試，小JM都話要同媽媽開心Share，要俾啲媽媽食咁話。   雖然鮮淮山無咩味道，但加入左杞子同粟米就會容易吸引到小B進食。 粟米既甜美亦都令到小JM難以抗拒呀！   希望你地既小B都一樣會喜歡啦！     最後，如果大家都喜歡呢篇介紹文既話， 可以去以下連結俾個Like小JM媽媽當做鼓勵呀～＾＾～多謝你地！ 連結入面仲有埋Video架～＾＾～ http://www.baby-kingdom.com/customer/bk/bkol/minisite2017/page.php?id=219       ♫ ESDlife靚太Club 。 星級榮譽會員 ★ sleepyceci  ♬ ♩ BK Milk。親子語。駐站Blogger  ★ 傑。斯與晴  ♪ ♫ Mami Buy香港媽咪幫。駐站Blogger ★ 傑。斯與晴 ♬ ♩ Ohpama。Oh爸媽。駐站Blogger  ★ 傑。斯與晴  ♪ ♫ 媽媽經 。 駐站精選Blogger  ★ 傑。斯與晴   ♬  ♩ Ubaby Magazine。駐站Blogger  ★ 傑。斯與晴  ♪   歡迎追蹤 小JM 既Fanspage 「傑。斯與晴」： 如有任何查詢/合作，歡迎聯絡我同小JM 參與產品試用或者各樣活動 媽咪既Email係： sleepyceci＠hotmail.com 小JM既Facebook Page： 傑。斯   與   晴 （Jolie Babe。小JM の 成長印記）