莎拉既好朋友難得回港可以係香港聚舊, 從前由4條Queen一起去露營, 到了今天大家都成為人妻仲不得只, 位位都係人地媽咪了, 加埋真係人強馬壯, 大大細細加埋成十多人, 想搞活動真係都幾傷腦筋. 雖然夏天可以去海灘, 但係因為太多小朋友了, 怕啲呀媽掛住傾計, 得番三位男士睇6位小朋友真係唔多掂呀, 所以最後決定行個短短既遠足. 因為天氣真係熱, 所以下午4點才出發, 一行12人出發啦! 由筲箕灣坐巴士去到土地灣站落車就係龍脊既起點. 各位團友行啦!!!其實莎拉覺得自己今天好似位幼稚園教師, 帶住一班鴨仔去行山. 其實龍脊唔算難行, 不過如果相比起南丫島呢啲行山徑, 龍脊既路係比較無咁平坦, 但係對於3歲以上既小朋友真係無問題既.  返而因為天氣熱先係最大問題, 所以出發前真係要帶備足夠既水先好出發呀! 行了大約45分鐘就上到山頂啦, 嘩, 個風景真係無得頂呀, 平時去開玩水既石澳就在眼前了.  雖然起步時有啲熱, 但係上到山頂就一啲都唔熱, 有少少風吹埋嚟, 真係好舒服呢. 一班小朋友今天一齊行山, 仲上了一課生物堂呢, 點解?! 因為周圍有好多昆蟲, 仲見到螞蟻搬食物, 所以一班小朋友圍埋一齊睇. 其實整條龍脊山徑係可以行去石澳既, 不過今天時間比較緊迫, 天氣又熱, 所以今天就以呢度為目的地. 不過莎拉已經決定冬天時, 我地一定會行晒整條龍脊架!  小插曲係回程時, 因為架架車都係滿坐, 所以最後我地包了一架小巴出去筲箕灣呢, hahaha!!