副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

拼圖遊戲,訓練小手肌同耐性!

湊朝瞳以來,覺得“耐性”愈來愈重要。首先,閱讀(讀書)係講求一定耐性,書本唔會一開始就係高潮,要有耐性聽落去先知道整個故事。仲有老實講句,去幼稚園面試真係好需要耐性,等入場、等

湊朝瞳以來,覺得“耐性”愈來愈重要。首先,閱讀(讀書)係講求一定耐性,書本唔會一開始就係高潮,要有耐性聽落去先知道整個故事。仲有老實講句,去幼稚園面試真係好需要耐性,等入場、等老師同家長傾談…… 一歲半左右,朝瞳係Playgroup接觸拼圖玩具,圖形、顏色、物件都有嘗試 。當時,心諗「都未坐得定,點會做到!」,事實亦真係做唔到。但日子有功,由掂幾下到自己完全整份拼圖只係兩、三個月就學識。除咗係Playgroup有老師引導,我自己係屋企同佢玩都有啲心得。 1.  開初接觸拼圖時,由家長示範 同小朋友觀察拼圖上嘅圖畫先,之後你砌,問佢係咪放呢度,指引佢 2. 當小朋友開始動手砌,盡量減少插手 開始自己砌嘅時候,亦代表佢會分辨,但你會見佢擺唔正、點擺都擺唔到、上下倒轉,呢個時候你應該忍唔住想出手!但都要忍,用說話引導佢,盡量避免捉佢手仔。例如,「BB你試下轉塊拼圖~」你可以配埋手勢,兩隻手指頭轉,等佢學你。一嚟可以訓練小手肌嘅精細動作,亦透過不斷嘗試同觀察訓練耐性。 3. 擺錯位置唔需要即時指正 小朋友將拼圖擺錯好正常,通常我會咁講: 「咦,呢塊放呢度嫁?」初玩嘅朝瞳,確實會認真思考一下,之後再試下其它位置,有時佢真係搵唔到正確位置,就會引導佢試第二塊先。唔需要講出答案,因為當繼續落去嘅時候佢就會知道。 另外,值得一講就係,當玩多幾次小朋友就自以老手,特登放錯睇你咩反應,仲會堅持一直放果個錯嘅位置,我會畀個好奇反應佢,由佢繼續玩落去,最後要完成拼圖佢都會放回原位的~ 充斥電子產品嘅時代,耐性更會容易被輕視。玩拼圖係不錯嘅練習,除咗訓練耐性,亦要求小朋友手仔做出精細動作。下一步,希望畀朝瞳進階學習5至8塊嘅Puzzle~ 如果你都玩Puzzle嘅經驗,不妨分享下你地又會點玩、或者邊隻Puzzle好? #咩都可以玩一餐 #玩就是練習 喜歡嘅朋友,可以 Follow  朝瞳氏の日常  睇更多日常放送。