台灣.. 真係好多野食.. 我地呢72 小時除左瞓覺之外就係食唔停... 真係好耐冇試過啦!!! 係呀... 咁食法真係會肥架.. 不過... 下一次都唔知幾時啦!!! 食左先啦!!! 原來早上既西門町已經有好多食既檔口開左啦..  真係可以由早食到晚呀!!! 第一間我地見到既叫鴨肉扁..  萬華區中華路一段98-2號   (捷運西門站出口5, 步行約3分鐘) 佢出名食鴨肉架..  其實好多年前黎台灣都見過呢一間..都係呢一個位...  上網research過, 食評一般咋...  其實係門口睇到入面既kitchen肉質係比較 dry..  所以... 我地冇食到..  留番個位...  香港都有既豪大大雞排 本來想食埋繼香雞,  不過.. 咁啱行到黎就食啦...  我地買左幾款小食..  有大雞排...  重有一D炸既 QQ 小豆腐呀..  呢個好味..  好煙UN... 唔怪之得係人氣啦!!! 行過車仔檔..  見到呢個熱狗腸..  真係即叫即炸..  不過我就一般啦...  因為唔太LIKE 出面層炸粉呀!!! 不過彤爸就好LIKE!! 黎到台灣點會小得食麵線架...  所以一定要食名宗麵線! 排除既人好多..  不過都好快..  買大既 SHARE...  一買完就要行埋一邊,  有醬料比你落..  之後自己找個位置食...  真係好好味呀!!! 呢間檸檬屋正宗苦瓜原汁既苦瓜汁真係好好味...  唔會好苦...  全用白苦瓜..  呢幾日食左咁多熱氣野真係要清下熱呀!!! 萬華區漢中街21號  (捷運西門站出口6, 步行約5分鐘)   大家認住相中既姐姐呀!!  千萬唔好去錯!!! 除左苦瓜汁另外一間好味既飲品就係木瓜奶啦!!! 呢間北回木瓜牛奶真係好味..  彤爸話上次黎飲過一次..  所以呢一次都再飲!!! 大大杯又唔貴...  而且唔會好甜..  飲得出係真木瓜味!!! 呢D就係我地係西門町食左既"小食" ! 其實重有好多都未食..  因為當日落大雨...  食既時候有D混亂!! ---------------------------------------------------- 大家可以 like埋我地 facebook page 咁就可以緊貼我地架!!  https://www.facebook.com/3CMaMa   CCML BLOG 都會出現係呢幾個地方: http://ccmlfamily.blogspot.hk/ http://weshare.hk/piyobaby http://www.mybb.com.hk/home.php?mod=space&uid=10582&do=blog&view=me