係繼續上次美國嬰兒用品的TOPIC之前，朋友問左我一個問題，順道係度SHARE下： 可否係美國訂埋泵奶器？  泵奶器呢我就唔建議嘅，電器要看返電壓，首先美國電壓係120V而香港係220V，要看看貨品本身支唔支持到香港的電壓，如果唔得，就要配返變壓器； 其次係泵奶器都算比較易壞的，價錢點都要過千，加埋香港無保養，如果買返黎壞左又真係唔知點算，所以我係唔建議的。 繼續返我個日用品篇先： ＊＊BB可攜式餐椅＊＊ 係香港唔係間間餐廳都有BB椅的，如果有一張可攜式的BB椅你話幾好，朋友們可意留意埋FISHER PRICE 的嬰兒用品。呢張BB椅都係USD16，超級抵玩！我都係買左呢張俾個女，但係香港開倉店買，都要300大元。 LINK：https://www.walmart.com/ip/Fisher-Price-Healthy-Care-Booster-Seat/17432259 ＊＊探熱計＊＊ 香港的探熱計閒閒地要五百幾蚊一個，其實係美國真係好平都係二三百蚊一個，我2款都有買俾囡囡的，呢個額探係幾好用嘅，醫院雖建議係用耳探同腋探，但成日一探都搞到個女喊晒咁，所以我平時會用左個額探探左先，因為唔會打擾到佢，如果真係有燒先會用耳探再CHECK真啲，2個加埋都只係香港一個的價錢，抵用！ 耳探 LINK: https://www.walmart.com/ip/Braun-ThermoScan-5-Ear-Thermometer-IRT6500US/37226225 額探LINK： https://www.walmart.com/ip/Braun-Forehead-Thermometer/54403238 留意返呢個款未必係最新型號，但對我黎講都算幾好用。   ＊＊ORGANIC MOTHER’S MILK＊＊ 母乳媽媽必備，多奶茶，呢款係香港要七十蚊，呢款USD19 有6盒。散買就USD4 一盒。 LINK：https://www.amazon.com/gp/product/B0009F3POY/ref=oh_aui_detailpage_o00_s00?ie=UTF8&th=1   ＊＊揹帶＊＊ 呢款揹帶香港平極都要五百樓上，只係USD44，呢款揹帶都係我當初考慮之一，因為初生BB都用到，而且網絡上都好多好評，最后我無㨂佢的原因只係因為顏色問題。 Link：https://www.walmart.com/ip/BabyBjorn-Baby-Carrier-Original-Black/34480041?variantFieldId=actual_color   今次講到呢到，下回再續......