上回講到晴晴去到深水嘅地方就爆喊，喊到成個泳池都震晒！雖然屋苑泳池遇到嘅都係左鄰右里，見慣見熟，但都有啲想搵個癃捐嘅感覺呀！晴晴上課前已經講定今堂一定唔會喊，為免打擊晴晴嘅信心，雖然內心存有懷疑，但都繼續同佢加加油啦！一開波，教練同晴朗重溫水中呼吸。深呼吸一口氣，然後閉氣落水，bulubulu番啲氣泡出嚟！ 上水後立刻吸氣，反復幾次練習後，啲技術又番番晒嚟喇！^^V 跟住就到池邊練習浮起，教練提點晴朗留意手握池邊嘅姿勢同埋膊頭要放鬆~ 張開雙手，成個人放鬆晒！感受一下整個人在水中飄浮嘅感覺。當移到去池邊嘅時候，嘗試握緊池邊以保持平衡~ 手握浮板借力，雙腳帶動身體浮至水面，身體要保持一直線~ 之後又到池邊練習用腳踢水，為游水動作做好準備！ 響池邊練完，再到泳池中間練習。踢呀！不停咁踢~ 教練要求晴晴嘗試手揸浮板，由泳池中間踢到去池邊。晴晴初時踢咗幾下就停，教練提點一下要不停踢，晴晴就依指示踢水直至掂到池邊為止喇！做得好好呀！*o* 唔知邊度嚟嘅勇氣，今堂狀態真係唔錯喎！^^ 相反朗朗經常忘記雙腳要貼埋伸直，泳姿變得有啲肉酸~.~ 不過，相信努力練習好快就可以改善。畀心機呀！ 朗朗練習期間，晴晴自動自覺練習池邊踢水，睇佢練得幾開心？ 練膽時間嚟喇！教練要求晴朗手握浮板跳落水。晴朗起初都驚驚哋唔敢試，直至教練伸手輕輕傍住，安全感大啲先敢去馬~ XD 學識呼吸好重要，所以教練不時會同晴朗反復練習，越練越純熟~ 而且響水中維持嘅時間仲越嚟越長添！ 呼吸掌握好咗！就要試下游住水咁呼吸喇！ 學習爬上池邊嘅動作，呢度係最深水嘅位置，晴朗都冇有怕呀！ 再練習一下由池邊跳落水，今次唔用浮板都ok喎！ 最後，試埋企響池邊唔用浮板跳落水，晴朗都挑戰成功！仲覺得好好玩添呀！XD 嚟到第三堂，晴朗學識咗呼吸、用浮板浮同踢水、爬上池邊、由池邊跳落水，唔錯喎！估唔到上堂仲係一個大喊包嘅晴晴，今堂突飛猛進已經可以揸住浮板踢水至池邊，進度似乎仲比哥哥快。膽量同信心都大咗好多呀！而朗朗就要努力做好啲泳姿，仲有進步空間。期望下堂可以見到更多新突破啦！ 重溫GO SPORTS「活力暢游」系列：第一課 - http://blog.xuite.net/chinglongtin/blog/516876609第二課 - http://blog.xuite.net/chinglongtin/blog/522204552  Go Sports Swimming Club 查詢及報名熱線：2690 0445, 6686 6337Facebook: https://www.facebook.com/Gosportssc FIND US on:      BLOGs: CONTACT US: