今晚煮飯時發現雪櫃有幾塊麵包，乖寶爸爸又買左一袋新既番黎。心諗。。。。。咁多點食呀???? 所以，乖寶又有口福啦！！！ 材料：麵包4塊，牛油 少許，蛋 2隻，奶 500ml，糖 25g (已經減左半塘，鐘意食甜的，可以加到50g)，雲呢拿油 幾滴，玉桂粉 1湯匙，提子乾/紅苺乾 1湯匙 做法： 牛油搽滿麵包，之後剪成粒粒。 蛋，奶，糖，雲呢拿油，玉桂粉攪拌，將麵包放入，等15分鐘左右，俾麵包慢慢吸收。 加提子乾，再倒入容器，放到8成滿就ok。 預熱焗烤，容器放係焗盤上，加水。鐘意焦糖面可再撒糖係面先焗。 180-200度焗30分鐘，變左金黃色就可以食。 乖寶版：麵包2條冇搽牛油。用左奶粉，所以冇加糖。蛋加左半隻。而奶就大概50ml到，浸到麵包就停，太多奶會難成型。之後，一齊焗就ok。最後，食左大半碗 ✌ 大。成。功。 *蛋白敏感既寶寶可以淨係用蛋黃，分量多的就ok!