乖寶爸媽同乖寶都好鐘意飲湯，但夏天，飲太多肉湯會覺得好油（利），所以蔬菜湯同生果湯居多。基本上每星期都會煲一次。 做法好簡單，蘋果啤梨去皮去核凍水落（熱水落會變酸）。 可加准山，龍眼肉/蜜棗（我鐘意龍眼肉多的，因為健康的，蜜棗製過糖份高），肉要先出水再加埋落去煲（可加/吾加，加左甜的，吾加清的），南北杏，新鮮白合（按自己喜歡）。 按照水既份量，加/減材料，平常我用半煲水+2個啤梨+2個蘋果+1粒新鮮百合+半條准山+6粒龍眼肉+少許南北杏。 煲1 個鐘就夠，生果湯吾可以煲太耐，冇益。 煲好，會放落水樽+水俾乖寶飲， 始終俾佢飲甜既野，加水好的，飲完之後吾飲水就大獲 我會壓爛半個蘋果加埋入水樽一齊飲，有口感，乖寶最鐘意。 佢一口氣飲晒成樽（150ml)飲呢個好過飲果汁，又健康，又有益。