乖寶係加固路上時好時壞，乖寶媽媽行TF + finger food，開頭6-9個都食得好好，中午粥仔，食到大人 碗1碗（乖寶吾鐘意糊仔，所以好快就食粥），晚餐finger food （蕃薯，紅蘿蔔，准山，菜心，通粉等等）。10個月開始扭計，有時要食杰粥，有時要食稀粥，涼左小小即lur，但總算有半碗。 慢慢開始吾鐘意坐high chair，玩食物，爆喊。 到打完1歲針，乖寶媽媽發現，原來惡夢先開始。。。。 打完頭2個星期，一粒飯都吾食，連最鐘意食既通粉同生果，都只係食幾啖就lur，每日重複，食幾啖-lur-合埋個口-掉食物-爆喊，攪到乖寶爸爸同嫲嫲好抗拒同乖寶食飯，寧願俾奶。 雖然乖寶媽媽都好灰心，每餐好俾心幾煮，煮吾同款式（蛋餅，蛋卷，pancake，蛋糕仔等等），但都吾嘗面????，不斷同自己講1歲針好勁，好快冇事食番野。。。 2個星過後，乖寶開始食番杰粥，見乖寶食番，就開始教乖寶用餐具。之後個幾日都ok，自己主動用匙更筆飯食。 但幾日後又開始扭，不停重複，中午食，晚餐吾食，中午吾食，晚餐食，總之無限loop。乖寶食飯既心情就好似天氣，變幻莫測。。。。。 乖寶婆婆話，不如試下整大人飯，燉飯俾乖寶食。咁乖寶媽媽就嘗試整的大人飯。。。效果令乖寶媽媽受寵若驚，乖寶只係食淨小小，過程仲主動筆黎食???????????? 如果媽媽都有遇到呢個問題，都可以試下，如果嘴嚼能力吾夠既????????????????，水可以加多的，等的飯淋身的。 做法： 米同水比例（1:2）質地淋但吾爛，想爛的加水比例就ok， 米湯匙更2更（1/4杯米），水4更，水滾燉15分鐘 肉，乖寶媽媽試過同雞脾（成舊燉），魚(成舊燉），豬肉（切碎整成肉餅），肉洗淨加小許薑汁，生粉，鹽，油（橄欖油/米康油/平時媽媽用開既油都得） 菜，加埋落飯一齊燉又得，另外整又得。 飯燉好後加入肉再蒸10分鐘 / 或者直接一齊燉15分鐘，燉好焗一陣就食得????????