天氣炎熱，最想飲的酸mi mi 既湯，羅宋湯係乖寶媽媽既首選。 因為乖寶爸爸要節食，所以今日煲既呢個羅宋湯係素，無肉。 材料：蕃茄 4大粒（可加/減，睇番自己對蕃茄既喜愛），粟米 2條，洋蔥 1個，薯仔 1個，青椒 1個，紅椒  1個，椰菜半個，檸檬汁 半個，辣椒仔（按自己喜好）。 肉，可隨意加雞脾粒 / 牛肉粒 / 牛尾。 鐘意濃濃蕃茄味可加1罐茄膏。 做法：全部倒入煲一齊煲（檸檬除外），煲1小時，加鹽，檸檬汁（怕酸，慢慢加，岩口味就停），辣椒仔（按自己喜好，乖寶媽媽通常落半隻，1隻太辣，小小調一調味） 煲到中段，夾起粟米切粒，連埋個芯再倒番入去煲，咁樣會甜的。 乖寶估佢吾到，竟然飲左半碗。媽媽表示好滿意！！！