其實而家已經23W，但好想紀錄番成個過程～   雖然肥老大好鐘意小朋友，我地咁早結婚都係因為佢想早D生BB 但最後都係結左婚差唔多一年先開始備孕 自己因為工作關係成日見到好多人因為有左BB而趕緊搞婚禮 睇人地好似好容易就有，到自己時就真係要努力下   我本身係一個超過15度就會手腳冰到似雪條既人 0運動，黎M係勁痛＋腰痛，唔使睇醫生都估到自己係虛既人 上網睇到好多人話食左呢隻會易有D，就買左黎試下   由黎M第3日開始飲，每日沖一包，有分2個階段（一盒好似係20定21包） 我唔知對懷孕係咪真係有幫助，但我飲完之後個個月M痛真係減少左好多 而且手腳冰冷既情況都好左 大概飲左＋努力左3個月都未見有動靜，肥老大咁岩同佢家姐講起我地努力緊 佢家姐就帶左去買滴雞精   肥老大買左一盒For備孕用既，一盒都成千蚊＠＠好貴 買左呢隻係獨立包裝，要放係冰格儲存，每日就飲一包 飲之前就搵熱水坐熱佢，之後直接打開"啜"哂佢 老實講我覺得幾難飲，但咁貴又唔想哂左佢 可能我個人唔係太受得咁補，飲完有D心悸 所以之後都冇再買   又過左2個月都仲未有消息，再上網睇下人地有用D咩方法 見到好多個我唔識既名詞"紅D、綠D、Due Day" 爬左好多文發現原來係講緊用呢盒野   即刻買左3盒黎試，但用左一排先發現自己用錯左HAHA 初頭我一驗完冇等15Mins睇下就掉左 之後再睇先知原來要等先會知強弱，已經哂左成盒 仲有好多人都會DL堆呢個APPS去紀錄同Check   呢個Apps真係好方便，就算你唔用排卵試紙都可以大概計到你幾時排 當然冇試紙咁準，所以2樣野配合用就最好   用左咁多樣野～終於係7個月後Bingo左