除左要餵飽乖寶個胃，仲要餵飽埋一家之主-乖寶爸爸。 今日時間緊逼，快快手整個焗扭扭粉。 材料： 現成已調味既豬扒 2塊，洋蔥 1個，蒜頭 2粒，牛油 小許，意粉醬 半包，茄汁 1-2湯匙，水 1飯碗，鹽、糖 各半茶匙，香草 小許，芝士 隨心，扭扭粉 半包 做法： 先煎香豬扒，煎8成熟就拎起，剪條備用。 扭扭煮淋，拎起沖凍水，乖寶爸爸鐘意硬身的，通常7分鐘就ok，隔乾水備用。 熱油落蒜頭洋蔥，炒到洋蔥變色，加入扭扭粉粉、牛油、意粉醬、水、鹽、糖，滾起熄火。 倒入焗盤，放豬扒，加芝士、香草，250c 焗8-10分鐘，芝士溶左就食得。 溫馨小提示： 煮扭扭粉時，水加的油加的鹽去煮，粉好食好多。 煮好粉的水，吾好倒，留番起用黎煮汁。 煮熟左既粉一定要沖凍水， 沖到吾熱為止，如果吾係，到之後食會變得好淋。 加入粉，汁滾起要即刻熄火，滾太耐，粉淋晒，到時吾洗咬都食到。 加入新鮮番茄仲好食，但屋企冇！