前日一早，乖寶媽媽發現乖寶發燒，又咳又流鼻水。立即同佢去醫院睇醫生，好彩吾係流感。睇完就急急腳番屋企。 病左既乖寶冇咩食慾，粥吾食，飯吾食，粉食幾條，好彩肯食奶同飲水。 為左令乖寶係病緊時都可以吸收多的營養，增強抵抗力，快的好番，乖寶媽媽決定整的營養價值高但又簡單既食物-燉蘋果。 蘋果好處，大家都知，一日一蘋果，醫生遠離我！ 生蘋果，有豐富既膳食纖維素，維生素，礦物質，果膠，鞣酸等，又可以中和體內酸鹼值，增強體力、抗病力，仲可以舒緩便秘。 吾講吾知，其實熟左既蘋果既營養價值比生既多，最主要係加熱後，果膠同鞣酸會吸收腸道中既細菌&病毒，同時亦能止瀉。 健脾益胃，生津解渴，潤肺除煩。 所以，乖寶媽媽成日都會燙蘋果湯水。 材料： 蘋果 1個，冰糖 1/4-半糖（今次只係加左好少冰糖調一調味，因為乖寶有痰， 另外，仲加左1細塊果皮） 做法： 蘋果去皮去核，放係碗中，用錫紙包好，防止燉個時倒汗水流入。 水滾，隔水燉30-45分鐘，睇番蘋果大小。 溫馨小提示： 如果想蘋果淋的，可切成1塊塊先燉（如圖） 希望各位寶貝們飲左都快快病好！bye bye 病菌！！！