乖寶媽媽呢幾日都日以繼夜，夜以繼日，咁照顧乖寶。 星期二乖寶發燒，一早已同佢去睇醫生，醫生話如果食左都吾退燒就要番黎做快速測試。 食左2日藥，到星期三晚，乖寶訓覺時同平時好吾同，好嗲， 但點抱佢都吾like，又一邊訓一邊叫，咦咦哦哦，成身熱晒， 乖寶媽媽直覺得吾對路，決定帶乖寶睇急症。 拿拿林執的奶，幾件衫就出發，預左要入院。 去到醫院，睇左醫生，上埋病房，已經2點幾。 乖寶成晚都訓的麻麻，乖寶媽媽都一樣，冇嘜點訓，又(愛)又抱又(tum)。 訓一陣又醒，探熱又醒，食藥又醒。不過無計，小朋友發燒就係嗲！ 捱到朝早做快速測試，乖寶好乖，一下就得。 結果出左，吾係流感，但中左另一種呼吸道病毒 《呼吸道合胞病毒》。 合胞病毒，呢種病毒既病徵同傷風感冒一樣，發燒、咳、流鼻水，但嚴重會出現氣喘既情況。 夏天係呢種病毒既活躍期，經口水、分泌物、食具傳染。 潛伏期1-10天，發病後大概1-2期內痊癒。 慶幸乖寶冇出現氣喘既情況，如果吾係要聞氣舒緩。 乖寶媽媽煮左的豬肉丸粥俾乖寶食，食肉獸既佢，只係食晒的肉丸加幾啖粥。 乖寶媽媽明，病左冇胃口， 所以我自己食埋去。 乖寶既情況，咳有痰，2行鼻涕，夜晚總係38度低燒。 咁既情況通常會持續5-7日， 乖寶媽媽希望乖寶快的退燒！！！ 溫馨小提示： 呢個病毒冇疫苗可以打，所以只可以靠自己做好預防工作。 出到街，記得勤清手。吾好摸眼鼻口。吾好共用餐具。 遇到病既人，戴番個口罩保護自己。 最緊要係，有吾舒服要即刻睇醫生，吾好自己估估下。