家中有小吃貨, 平時煮野食要美味, 同時要顧及營養同健康, 都幾大挑戰架. 小朋友當然喜歡食煎炸食物, 但始終熱氣又無益, 間中比佢開心下無乜所謂, 但平日的家常小菜我就愛以蒸為主, 既健康又能吃到食物的鮮味. 囡囡一向好喜歡吃魚,  但揀魚都要好小心, 最好是骨不太多的魚類, 今次選了龍躉, 原片無骨, 食起來啖啖肉, 配合埋銀杏, 木耳, 鮮百合等材料, 營養豐富, 一家大細都岩食. ​ 銀杏木耳魚湯浸龍躉球   材料:  龍躉肉                                一塊 木耳(浸軟)                         一片 菇菌(任何種類)                 1/3碗 鮮腐竹                                5-6片 銀杏                                15-20粒 鮮百合                                少許 紅棗(去核切粒)                  2顆 杞子                                    少許 魚湯材料: 小魚                                   6-7條 薑                                       數片 水                                       2杯 鹽(調味)                            少許 ​ ​ 做法:  1. 先煮魚湯, 用薑起鑊後煎香小魚, 然後趁熱贊入滾水, 魚湯才會變奶白色, 之後轉慢火煲至剩下大半碗魚湯, 加鹽調味後盛起備用.  ​ ​ 2. 龍躉肉切厚片, 用少許鹽和胡椒粉稍醃一會. ​ 3. 深盤底鋪上鮮腐竹, 銀杏, 木耳, 鮮百合, 菇菌, 紅棗, 杞子. 加少許紹酒拌勻. ​ 4. 面層鋪上龍躉片 ​ 5. 然後倒入魚湯. ​ 6. 大火蒸15分鐘, 即成. ​ 龍躉是深海魚, 屬低脂高蛋白肉類, 同時含大量不飽和脂肪酸, 可有助暢通血管, 而銀杏同樣具有暢通血管, 增強記憶, 對控制高血壓, 血脂, 膽固醇很有幫助. 木耳,杞子, 紅棗等都有滋陰養血作用, 多吃可令面色紅潤, 女性尤其適合. 這個餸菜包含了多種營養, 做法亦簡單, 味道還相當鮮甜呢~ ​ 聯絡合作和活動: email: sherice_hy@yahoo.com.hk Facebook: Mini Bubble Corner ❤Blogspot❤ ❤Pixnet❤ ❤The Ztyle❤ ❤She.com❤ ❤weshare❤ ❤Qooza❤ ❤UBeauty❤ ❤Beauty Exchange❤ ❤博勢力❤ ❤Esdlife❤ ❤ chef-diary❤ ❤OpenRice❤ ❤mamibuy❤ ❤ubaby