最近Bella越來越鍾意食， 令我好有動力去研究佢既食譜， 之前做左BB版蕃茄肉醬天使麵， 今次來個BB版忌廉粟米肉粒飯， 做法同樣簡單，如果把飯煮爛些， 肉再blend成蓉， 那7個月起BB已經可以食。 立這食譜跟大人食既100%相似， 所以如果多煮了， 媽媽們就跟BB一起進餐吧。 材料： 飯：按BB的咀嚼能力來煮軟硬度（也可以用不同的BB pasta) 超甜粟：1/2支 瘦肉：1/4手掌大（可跟豬肉檔說BB食的，佢地通常會比好淋既部位） 雞蛋：1隻（也可只用蛋黃） 麵粉：5g 配方奶(可加可不加)：5g 做法： 1. 先把粟米粒刨下，我用直接切的方法。   2. 把粟米粒烚熟或蒸熟。 3. 打粟米蓉，加少少熟水同blend，備用。   4. 瘦肉剁碎烚熟或蒸熟，瀝水備用。   5. 把麵粉及配方奶粉混合，加開水2安士拌勻。（如果不用配方奶粉則要用麵粉代替其份量，即10g麵粉）。 6. 把麵粉水煮滾，期間不時攪拌以免黏一粒粒。 7.再加入粟米蓉，已打好的雞蛋，以及肉碎，滾起即成。             8. 吃時可與飯拌勻。   P.S. 其實試味後會好夠味，因為粟米及奶粉都有甜香味，媽媽們也可以放小小鹽吊味，也可跟BB一齊共餐。 最近真係煮左好多款BB菜式, 會先FACEBOOK同大家分享, 再寫食譜來~~~     < 許許與小BELLA > 未生小Bella前非常慢活, 愛hea即hea是個自由人, 而家當上新手媽媽全職帶娃, 雖然每日只有忙與累, 但跟小BELLA嘻嘻哈哈過每一天, 看著她在歡樂中成長原來更有趣~ 從前喜歡分享美容, 生活, 入廚及旅遊樂, 如今更有機會寫下更多育兒誌, 歡迎到我地FACEBOOK專頁瀏覽更多生活趣事分享~ FB專頁: www.facebook.com/huihuiplayground 聯絡我們: jassmine_tea@yahoo.com.hk     ~ BLOG足跡 (BEAUTY, LIFESTYLE, DINE, MOM & BABY) ~ TheZtyle  She.Com  BeautyExchange  OpenRice U BABY  ESD LIFE  MyBB.Com  香港媽咪幫 BlogSpot