幫小朋友入間好學校，好讓他們日後的人生路更平坦，想必是不少父母的心願。但點先揀到最啱自己小朋友的選擇？又點先可以如願以償入到心儀學校？STEAM International School總監 楊婉儀(Winnie)就分享心得「面試最緊要自然不造作」！     咁面試前有咩要準備？    Winnie建議各位家長，就係可以將面試準備融入日常生活中，「家長與其參加面試班，不如在一、兩年前開始在家中同小朋友自行練習，將你希望他/她說的答案潛移默化在生活中，好讓小朋友自然地向老師說出，而不應該叫小朋友背model answer」   如果時間許可，可陪小朋友參加活動，譬如面試前一齊參加興趣班、一齊行山、一齊焗蛋糕…等小朋友有更多話題同校方分享，可以更愉快同校方分享同父母的點滴。「效果會比起叫小朋友背熟預設答案更加好」     不要勉強孩子背稿   另外，如果小朋友的答案並不如父母所想，絕對不要怪責他們，因為小朋友的思路很真實、很直接，沒有父母希望自己的小朋友變成一個只聽指揮的機械人吧，Winnie亦勸大家不要為了短暫的面試時間，而扭曲小朋友性格，不值得！而且背錯，有時仲衰過唔背，你咪？     即時收睇詳細專訪內容：