Amazon ⭐️⭐️⭐️⭐️⭐️ 故事內容： 4隻大雞雞屋企附近出現一隻狼，佢地好驚唔敢留係屋企，於是逃離屋企一直去避開隻狼！一路行其實佢地一路都好驚，好怕前面既路好得人驚，唔知會遇到咩，由見到池塘開始到最後入山洞佢地都好驚但又會繼續前進最後係山洞見到隻狼驚到大叫嚇走隻狼，佢地先覺得其實自己好勇敢！ 媽媽既閱讀： 我比較誇既，首先我唔會理內容，因為我英文唔好，同埋我仔未夠耐性聽你慢慢講，所以我第一次係好快速讀：4隻雞雞見到咩呀?狼呀!!!!第一隻雞話好驚呀，第二隻話我都係呀，第三隻話我都係呀，第4隻話我又係呀！之後佢地見到池塘諗緊落唔落去，第一隻話好驚第二三四又好驚驚驚驚驚驚，但佢地都繼續行！見到牛又勁驚驚驚驚驚，見到船又勁驚驚驚，見到木又驚驚驚驚，最後見到山洞入面黑蚊蚊好驚呀點解有對眼既係狼呀4隻雞雞大叫驚驚驚驚，叫到嚇走左隻狼喎咁叻叻既所以4隻雞雞開開心心咁返屋企啦（要真係拍手） 仔仔反應好呆，佢心諗媽媽講咩咁驚呀 （如果唔誇張佢下次唔會自己呤呢本書睇！） 第二次開始正常咁讀啦，不過都係係咁講驚驚勁驚好驚點算呀？ 仔仔開始知狼唔係好野，開始話：雞雞驚驚呀！ 到左一星期（我仔每日都要我讀一次），我仔最後會話：雞雞驚驚喎，狼bye bye!唔洗驚！勇敢! 我鐘意呢本書，因為我仔好細膽，好多時唔太需要驚既佢都好驚，所以呢本書可以提下佢可以唔洗太過擔心前路會點！不過其實我無所謂，依家細膽啲咩都唔敢做我反而放心好多但我都希望佢明白其實佢驚既時候，媽媽係可以比佢依靠可以令佢放心亦都可以分擔下既 P.S. 爸爸都陪讀過，係我無留意既細節爸爸都會講埋，例如佢會問BB邊隻雞雞著左鞋？狼去左邊度！呢啲我完全無留意所以親子閱讀，爸爸唔可以少！