去茶餐廳食早餐就至愛沙嗲牛肉公仔麵㗎喇！仲要加錢轉山前一丁添！真識嘆！我講梗嘅係晴朗爸爸呀！既然佢咁鍾意，不如就試下DIY啦！ 材料(二人份量)： 牛肉 200g 蒜頭 兩粒 【醃料】 生抽 兩茶匙 糖 1茶匙 胡椒粉 少許 水 80ml 生粉 兩茶匙 生油 兩茶匙 做法： 1. 牛肉片洗淨，吸乾水份 2. 加入生抽、糖、胡椒粉，撈勻。將水逐少加入，邊加邊搓揉，直至牛肉再吸收唔到水份為止 3. 加入生粉撈一陣，然後加入生油，醃一個鐘 4. 蒜頭去衣後切碎，備用 【汁料】 沙嗲醬 5茶匙 花生醬 兩茶匙 生抽 3茶匙 麻油 少量 胡椒粉 少許 糖 3茶匙 水 100ml 5. 將所有汁料倒在一起 6. 撈混變成深茶式醬料，備用 7. 大火將牛肉炒至六至七成熟 8. 剩起備用 9. 爆香蒜蓉 10. 倒入先前撈好的汁料 11. 煮滾後，放入牛肉翻炒 12. 兜炒牛肉至醬汁杰身 13. 加入麻油兜勻便成 熱辣辣嘅沙嗲牛肉搞掂喇！ 有沙嗲牛肉又點少得出前一丁呢個絕配呀？ 加埋炒蛋同多士，常餐一份搞掂晒！ 又係共享豐富早餐嘅時候，睇下晴朗食得幾happy~^^ 平時去茶餐廳食到嘅常餐，已經可以成份自己做喇！係咪好easy呢？不過我貪方便買超巿pack好嘅牛肉片，如果買牛肉番嚟自己切片，相信會更好味呀！牛肉片切薄啲先好味加嘛！而唔同品牌嘅沙嗲醬會好影響沙嗲牛肉嘅整體味道，大家可以試多幾款，睇下邊款先至啱自己口味啦！   BLOGs: