自從LuLu出牙仔之後，就開始牙牙學語。父母最緊張當然係BB最快識叫邊個先啦！ 1.「嫲嫲」、2.「媽媽」、3.「嗲嗲」（大家唔好誤會，「嗲嗲」其實係「車車」），冇錯，我三甲不入，係輸左俾架車......只好怪自己成日打機冇比心機湊佢。輸左俾架車真係幾瘀皮，Lu爸於是的起心肝，減少打機陪LuLu 玩。日子有功，LuLu開始識叫＂pa..pa...". 「誰輕輕叫喚我.......」第一次聽到天使般的呼喚，真係眼淚水都標埋出黎！之不過到宜家LuLu仍然鍾意玩車車多過玩爸爸，但當佢講mini cooper 叫左做mini pa pa，Lu爸內心都有番少少安慰。