早排睇到健康院書仔的加固建議， 可以嘗試比BB食豬潤， 因為豬潤可以幫BB補充鐵質及維生素， 最初都猶豫豬潤會不會太難消化， 所以我拖到阿囡十個月大先煮比佢食， 而且主要用煲出來的豬潤水做湯底， 就算食吾到豬潤，都可用湯頭煲煲粥。 其實自己煮粉麵都好鍾意加豬潤， 更鍾意去深水埗食潤牛通， 所以今次做左迷你版潤牛通比Bella, 如果怕BB吾鍾意豬潤陣味， 我亦做埋蕃茄口味，較容易入口。 加上今次試左包超迷你粒粒BB通粉， 又係星星粉貝殼粉以外既選擇。     材料： 小通粉2湯匙 豬潤2片 牛柳肉3片打碎成免治牛肉 蕃茄1～2個 薑汁（醃豬潤用） 鹽少許吊味（也可以不加） 做法： 1.先處理好豬潤，買回來後要切片，加入生粉拌勻，再啤水直至無血水及生粉出現，洗乾淨後加入少少鹽，少少薑汁或薑絲醃住辟味。（由於比BB食所以不會加酒，甚至也可不加任何醃料） 2. 水滾落豬潤，直至豬潤變灰色沒有血水血絲出現，不要煮太耐否則會好硬。 3. 豬潤備用，豬潤湯就可用來做湯底了。 4. 用豬潤湯再煮熟牛肉碎，加入通粉中，再加入兩片已熟並切碎的豬潤，即成。     5. 如果要蕃茄口味，可以把一至兩隻蕃茄切粒煮淋再打成蓉，（圖片我用了4隻蕃茄，因為我跟Bella爸都一齊食）。 6. 蕃茄蓉加入豬潤湯內，加豬潤牛肉碎及通粉，也就成了蕃茄潤牛通啦。 下次再做可愛食物比BELLA, 記得留意FACEBOOK喇~~     < 許許與小BELLA > 未生小Bella前非常慢活, 愛hea即hea是個自由人, 而家當上新手媽媽全職帶娃, 雖然每日只有忙與累, 但跟小BELLA嘻嘻哈哈過每一天, 看著她在歡樂中成長原來更有趣~ 從前喜歡分享美容, 生活, 入廚及旅遊樂, 如今更有機會寫下更多育兒誌, 歡迎到我地FACEBOOK專頁瀏覽更多生活趣事分享~ FB專頁: www.facebook.com/huihuiplayground 聯絡我們: jassmine_tea@yahoo.com.hk       ~ BLOG足跡 (BEAUTY, LIFESTYLE, DINE, MOM & BABY) ~ TheZtyle  She.Com  BeautyExchange  OpenRice U BABY  ESD LIFE  MyBB.Com  香港媽咪幫 BlogSpot