食得多飯仔都覺得悶,幫Natnat轉吓食星星粉都唔錯~ 今日食星星粉,配天下無敵的粟米汁! 到目前為止,每一次有粟米汁,就一定會全部清哂!!! 不過喜歡還嘉歡,都唔可以日日食粟米,BB的飲食不能吸取單一的營養, 均衡多元化的飲食才是王道呀! 材料: 1. 新鮮粟米............1/2條 2. 豬肉............2湯匙 3. 星星粉............3湯匙 4. 蛋黃............1/2隻 做法: 1. 煮滾一鍋水,加入星星粉煮8分鐘,再焗20分鐘至軟腍。 新鮮粟米取切出粟米粒,隔水蒸15分鐘,留1/3粟米粒,其餘放入攪拌機打成粟米蓉。 2. 豬肉切粒,剁成蓉。在鍋中下少許橄欖油(2、3滴),加入豬肉和2湯匙水,將肉煮熟。 3. 倒入粟米汁和粟米粒煮滾,炒勻伴星星粉享用。 小貼士: 1. 豬肉會較雞肉嚡口,加入水份一同攪拌,可以令肉質軟腍啲。 「讚好/Like」【Missta愛。下廚】 Facebook專頁設定「Follow → See First」 ★歡迎合作邀稿聯絡: missta@yahoo.com.hk