大家每天返工既原動力是什麼呢？莎拉就係返工為放假喔，謝菲嗲哋生日又點可以錯過呢個惜口呢，不過因為時間上撞啱係剛剛開學，所以遠既就去不到了，近近地3日2夜就可以.上年就去了澳門同謝菲嗲哋慶生，今年無理由再去澳門架，又要平又要坐得好，最後就決定了比較次熱既吉隆坡嚟個3日2夜吃貨之旅！一家三口既座Air Asia package 只係大概$3200， 住既酒店係Hilton, 講真真係抵過去澳門呢！星期六一早起身出發去機場，真係未出發先興奮喔！其實每次旅行由執行李個一刻就已經享受緊旅行既快樂了！ 食完早餐就行去Boarding gate準備起飛啦! Happy birthday老公, 希望呢個小小既gateaway旅程好好enjoy呀!  每次去旅行指定動作係登機閘度影相！ 唉,,,,仲未上得飛機, 等我休息吓先. 終於可以登機啦, yeah! 今次坐Air Asia ，廉航既關係，所以為了令陶寶B可以想享受4小時飛行旅程，IPad就一早準備好了！ 另外唔好諗住坐廉航就唔食飛機餐喔，因為陶寶B起飛無耐就問幾時有飛機大餐食喔！哈哈哈，好彩莎拉一早已估到，所以就出發前訂定飛機餐，$20一份真係一啲都唔貴呢！ 睇吓陶寶B份兒童餐，芝士通心粉配肉圓加利賓納，味道又真係幾好食呢！ 既然預早訂餐都只係$20一份, 大人無理由唔試吓架, 一早都聽聞Air Asia既飛機餐真係有水準, 加上好多都係平時香港航空公司食唔到既款式, 所以大人就點了印度烤雞配印度飯試一試, 味道真係印度風味, 不過就係一般人都接受到既口味, 謝菲好鐘意食印度飯加上少少辣既雞真係好好味, 所以我地兩個大人好快就KO了整個飛機餐了.  四小時既飛行時間食吓嘢, 瞓一陣就好快過! 我地終於都到了吉隆坡啦. Air Asia 廉航所有航班都係用KLIA2既專用機場, 可想而知Air Asia既規模有多大.  如果想買電話卡機場內未過海關就已經有得賣, 非常方便.  過了海關之後就出去搭機場快線KLIA Ekspres.  吉隆坡既機場快綫既車費是成人來回RM 100, 小童來回$45, 只需30min就到達吉隆坡市中心既KL sentral 車站！ 大約每20分鐘有一班車, 所以坐係月台度等等先. 機場快線既列車又幾好喎, 可以對住坐.  今次訂既酒店Hilton Kuala Lumpur 就係KL sentral 車站對面，所以一出車站唔使5分鐘就到達酒店了，認真方便！ 基本上Hilton同Le Meridien係相連, 大家出入口都在同一層.  唔駛10分鐘就攪掂check-in, 上房先.  莎拉係出發前聯絡咗酒店是次旅程是慶祝老公生日，所以酒店upgraded 咗了我們去頂層既executive room. 酒店一早就在係房間內佈置咗啦. 嘩，間房好大之餘仲有個無敵落地玻璃. 最正係浴室有個大城市景，真係要沖個靚涼先得！ 酒店仲準備好了生日蛋糕添. happy birthday hubby, 希望你鐘認莎拉既安排呢！ 陶寶B一唱完生日歌，諗都唔諗就一啖咬落去！ 每次出外旅行都會係房間嚟個自拍照, 呢個已經係陶家既傳統了. 係房間安頓好之後就就出發出去食好嘢啦！