乖寶病左，住左院4日，食左西藥4日，期間除左奶同蘋果果皮水外，咩都吾食，應該係喉嚨發炎，吾想吞野。 見到乖寶又咳又流鼻水又發燒，但一粒米都吾食，食西藥又食到面青口唇白，心都痛晒。 病左吾食野點補充體力喎，所以乖寶媽媽連續煲左1星期魚湯+燉豬肉水。 魚湯除左好飲之外，當中含有豐富蛋白質、奧米加3，脂肪少，容易消化及被身體吸收，對於體虛人士特別病幫助，加快身體覆完，回復體力。 材料： 魚： 大魚尾 / 紅衫魚 / 大眼雞 / 鯇魚尾  配番茄薯仔 / 節瓜 / 紅蘿蔔 + （必落）新鮮淮山 & 新鮮百合 新鮮淮山&百合係好野，乖寶媽媽平時成日煮。 淮山功效：健脾益胃（特別對飲食減少，同體虛有幫助），生津補氣，幫助消化，化痰止咳，增加食慾，增強抵抗力。 百合功效：潤肺止咳，寧心安神，補中益氣，清熱解毒，健脾和胃。 做法： 用薑煎香魚尾，倒入滾水&配料，大火煲半小時，轉中火至細火煲多半小時。 小提示： 煲魚湯一定要煎香魚，煎香後要立即加人滾水，記住係《滾水》，再大火煲至少半小時，魚湯先會變奶白色，如圖： 燉豬肉水主要既好處係滋補元氣，病後調理，補身強體。 材料： 瘦肉 + 果皮 / 薑 （睇番需要） 乖寶媽媽目的係止咳化痰，所以係用果皮+川貝。 做法： 瘦肉切粒出水 / 加入滾水浸出血水，拎起加入乾淨水，放果皮川貝燉2小時。 乖寶媽媽係燉水吾係汁，所以吾洗倒轉個碗先放肉。 燉肉水同汁都一樣，但汁太濃縮，小朋友吾好飲太濃縮，肝負荷吾到。 小提示： 開頭幾日，乖寶媽媽建議盡量清的，吾好加川貝住，到退定燒先好加。 另外，見乖寶一冇發燒，乖寶媽媽就停左西藥（因為乖寶食到冇晒血色），轉食中藥 - 喉棗末、珍珠末、牛黃末。 食左4日，痰同鼻水都清晒。  *** 注意，以上係乖寶媽媽既做法，未必個個寶貝們都適用，當中含有中藥成份，建議先詢問醫生睇下自己位寶貝是否適用，冇敏感 *** 。。。。。後話，乖寶媽媽真係食米吾知米貴，原來喉棗末咁貴，因為平時都係乖寶婆婆買。見到個價錢，乖寶媽媽即刻打俾婆婆問：下，點解咁既，咁貴既？  婆婆好淡定話：你依家先知咩？你以爲我買平既俾你？ 真係《有媽（婆）的孩子像個寶》！！！