見乖寶好番晒，乖寶媽媽開始整番的佢鐘意食既野，吾洗餐餐食粥。 今次呢個係《意式芝士番茄肉丸飯菜心》 材料： 車里茄4粒 （用普通番茄都得），洋蔥 幾條，柳梅肉 （2隻手指咁多到既肉，可以整到15粒。乖寶媽媽吾會買現成肉碎，因為吾知咩肉同碎肉機好污糟），菜心葉 3片，芝士 少許，香草 少許 豬肉醃料：少許鹽（可以吾加），油（米槺油/橄欖油/芥花子油），生粉，薑汁 做法： 豬肉切碎，加入醃料，攪10下，攤20下左右，起膠，用手指搓1細粒，之後可放入雪櫃雪一雪定形先煮。 炒香洋蔥番茄，加少許水，煮滾，煮到番茄開始爛，夾起幾舊番茄肉，其他放入攪拌機攪碎。 攪好倒出番茄汁加入肉丸，肉丸熟左加菜心芝士香草番茄肉，滾起熄火。 配飯，咁就可以開餐！！！ 如果吾想放入攪拌機攪，加少的水，大火滾起加芝士煮杰的汁就ok。 飯，按寶貝們喜好，配爛飯大人飯都得。