乖寶胃口漸漸變好，乖寶媽媽可以煮下其他野食。 牛油果同雞脾都係乖寶最愛食物之一。 乖寶媽媽好小將牛油果當餸咁煮，通常當生果食。 乖寶愈大，口味求要愈高，要不斷試下新既煮法吸引佢把口。 材料： 新鮮嘉美雞雞脾 1隻，牛油果 1粒，芝士 少許 做法： 雞脾洗淨，加入少許鹽（可吾加）、薑汁、生粉，今次冇加油，因為連雞皮一齊燉，用番雞本身既油份。 蓋錫紙，醃好左既雞脾連米一齊，大火燉15分鐘。 等待中，將牛油果開半，去核，每半邊挖1/3出來備用。 得左之後，夾起雞脾備用，飯伴入之前挖起既牛油果，之後再放入牛油果個半圓形度，加芝士，焗10分鐘 200c，焗溶芝士就ok。配番隻雞脾，又食得啦。 乖寶見到，立即大叫拍台，食脾食晒，飯食剩的的～ 滿足！！！ 小提示： 牛油果，媽媽們都成日話，買親都吾靚，次次都熟到爛生晒根。 乖寶媽媽通常會買生既牛油果（硬身，深綠色），之後番屋企慢慢（牛）燉。 先放室溫，當牛油果變左差不多成個黑色，會放入雪櫃再（牛）。（牛）到淋身，就食得。 雖然放入雪櫃（牛）既時間較長，但基本上個個都熟得好靚，吾會爛晒生根。 室溫雖然（牛）得快，但乖寶媽媽試過好多次都，每次都係買3個得1個食得。 媽媽們可以吾加調味，直接燉/蒸，因為新鮮雞，本身既鮮味已經好食。乖寶媽媽都係係乖寶1歲後加少少鹽，因為乖寶實在太嘴饞。 吾鐘意雞皮既媽媽，可以掉左先燉/蒸。乖寶媽媽用既係新鮮嘉美雞，白油冇雌激素，吾會好似其他雞咁黃油，咁肥，所以通常都連皮燉/蒸，肉質會比吾用皮滑好多。雞皮會係食之前掉左。 因為飯同雞脾一齊燉，已經有味，乖寶媽媽冇另外煮白汁，如果分開整既媽媽，可以加入白汁先焗。 白汁做法：奶粉/牛奶/忌廉 + 麵粉，聽個名好似好難，其實好簡單。 *** 如果媽媽們想買新鮮既嘉美雞，可以聯絡乖寶媽媽 ***