副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

《90後哈哈孕記》3 -懷孕初期篇(4W-12W)

政府個邊第1次見姑娘已經係10W,家姐就建議我地去私家照一次睇下著床靚唔靚先,因為個陣乜都唔知就約左最近既家計會Check左一次陰超,第一次照既時候係7W3,已經照到閃閃 (BB既心跳)

上一篇就講到4W5我已經去左QE登記 肥老大好快已經同左奶奶同佢家姐講我有左BB 因為我地4月底會番一次鄉下,早D講等佢地都可以提下我有乜唔食得 番左鄉下4日,個人真係好攰基本上係不停訓訓訓 而且我係屬於冇胃口個種,初頭好緊張乜都唔敢食 番黎再磅我已經輕左2,3磅 政府個邊第1次見姑娘已經係10W,家姐就建議我地去私家照一次睇下著床靚唔靚先 因為個陣乜都唔知就約左最近既家計會Check左一次陰超 第一次照既時候係7W3,已經照到閃閃 (BB既心跳)    因為家計會只可以做一次,之後我地就再Book左其他醫生照 家姐之前睇開游X,但我地打過去第一次產檢既話一定要Walkin冇得Book 媽媽Group到有人8點幾去排,結果下午1點先到佢睇 我唔想等咁耐,上網見到人地話黃X新都幾好又平($500/次,會開4D) 就Book左14W去睇第1次(下一篇講)   終於去到10W,一早去到QE登記完就度高磅重 之後會集中第一次黎產檢既媽媽有1個小型講座咁 簡單明講番由開始到生有咩要注意, 同埋有好多小冊子 會有唐氏檢查,產前講座/運動,餵母乳等等 聽左大概半個鐘到就出番去等叫名 第一次見姑娘會問番我同肥老大既家族病歷等等 因為我同肥老大都算幾健康,所以會編入助產士小組 而且姑娘都問定我會唔會去健康院,因為有其中一間好近我 所以即刻揀左去健康院 姑娘幫我排左12W照唐氏,仲有比我攝到位22W5照結構 之後去1樓抽3枝血就走得啦  唐氏綜合症篩查 唐氏篩查分為孕早期篩查和孕中期篩查兩個時間段 類別 時間 檢查內容 目的 孕早期篩查 懷孕11~14周 通常是先做超聲檢查,測量胎兒的“頸部皮膚透明層” (NT)的厚度,並於當天抽取約2ml血液。 結合NT厚度和孕媽咪血中一些化學成分的濃度,由電腦專用軟體計算得出一個風險值,表示胎兒患上唐氏綜合症的機會。 孕中期篩查 懷孕15-20周 只抽取孕媽咪2ml血 通過測定血中的化學成分濃度,由電腦專用軟體計算得出一個風險值。   我係12W做所以係照超聲波 當日姑娘都好細心,幫我地睇得好仔細 同埋當場都有話比我地知BB頸皮唔厚,如果Check到係高風險醫院先會聯絡你 低風險就唔會收到任何電話啦~ 政府既產檢一般都係6星期一次,再下一次產檢就係16W 我自己就私家同政府間住間住咁去~