成日強調幼兒要訓練小手肌，其實日常生活裡面有好多方法都可以做到，唔洗特登去上堂嫁！簡單一堆珠仔就可以多個玩法，朝瞳淨係"畢珠仔" 都玩成大半個鐘，我又可以坐埋一邊抖下！ 玩法一： "執珠仔" 「Oops 媽媽倒瀉晒啲珠仔，快啲幫手執！」，最簡單又自然嘅玩法，咁細粒珠要用手指仔執起其實有難度，可以挑戰下小朋友。 玩法二： "畢珠仔" 畀兩至三款大細不同嘅匙羹佢，又畀幾個盒仔佢，由佢自由”畢”。陪埋佢玩的話，你可以拎本食物認知書出扮餐牌，話我想要雪糕，叫佢”畢”畀你～ 玩法三： "分珠仔" 拎一堆唔同顏色嘅珠子叫佢試下放到正確顏色紙上。 至於最大路嘅”串珠仔”呢？我就唔會叫兩歲幾嘅小朋友，因為呢種珠太細，用大啲嘅珠就可以！   你可能問... >啲珠咁細會唔會食落肚？ >>我嘅習慣係活動開始前說明一次，用動作示範珠子係唔可以放落嘴或鼻。 >我果件坐唔定，點玩？ >>其實同小朋友做遊戲練習，一定係時間短同精要，做多幾次耐性就會慢慢增加。 所以，遊戲唔需要複雜，但要準備多幾個係手，隨時轉換。 朝瞳仲玩啲咩？ 拼圖遊戲，訓練你和孩子的耐性！