Sanrio自1960年創立至今，已經推出超過400個卡通人物。當中好多你同我都好熟悉，算係陪住我哋一同成長。仲記得讀幼稚園嘅時候，曾經為咗一個Melody文具夾而同同學仔鬧交，印像好深刻，諗番起都覺得好好笑。晴朗媽媽鍾意過嘅Sanrio卡通都唔少，超花心！My Melody, Peta Peta Peppy, XO, 馬騮, PC狗, Little Twin Stars....全部都係讀書時候嘅最愛。可能大家鍾意嘅比我仲多啦！不如一齊穿越時光隧道，一同重拾童年回憶囉！ 一去到澳門新濠影滙就已經見到三個Sanrio紅人化身成為氣球高高掛！Wow~ 好巨型呀！心情越來越興奮喇！*o* 購票前先度高，好明顯我哋全部都過咗90cm啦！買飛入場囉！gogogo~ 晴朗已經急不及待入去喇！我都唔講咁多住，跑呀！~ 入到去好色彩繽紛！牆上地上到處都貼滿唔同嘅卡通人物，就好似走進Sanrio世界一樣呀！ 而牆上有多格玻璃櫃，展示咗唔同嘅卡通系列精品。當中以懷舊水壼最令人回味，皆因小學時候都曾經擁有過。大家都一齊回憶下囉！(可按圖放大) 眾多文具精品當中，有冇邊款係你曾經擁有過㗎？ 一件件排列得整整齊齊，如果屋企都有齊晒所有珍藏你話幾好呢？發夢冇咁早~ XD 睇唔睇得出呢個形狀似咩呢？其實設計別具意思~ 仲未估到？已經好明顯喇喎！ 再zoom近啲等大家睇清楚啲喇！係一個懷舊散紙包呀！主辦單位珍而重之咁展出呢件珍藏，一定係極具紀念價值㗎喇！ 嘩！超級...超級巨型Hello Kitty呀！*o* 而且仲有勁多Sanrio公仔等住我哋！心情極之高漲~ We are coming!!! 淨係一張相都已經攝入超過20隻公仔，可想而知現場係幾咁震撼呢？ 當然要向晴朗介紹媽媽至愛嘅my Melody啦！好大隻呀！大愛~ cheers~~^o^ 細個有冇玩過紙咭換衫遊戲呀？可以幫紙板公仔換上唔同嘅衣服鞋襪，好有趣㗎！ 呢~ 咪就係類似呢款遊戲囉！好好玩，小朋友易滿足，咁已經可以玩上大半天㗎喇！ 晴晴都換上咗紙板和服喇！Kawaii呢~ XD 呢個公仔好耐冇見過，你又記唔記得佢呀？ 大口仔傳統鉛筆刨，小時候就至鍾意用呢款筆刨嚟刨鉛筆㗎喇！但而家巿面都出晒電動筆刨，手動嘅似乎已經絕跡lu~ 係咪想要膠紙？等我幫你搣一張啦！ 仲有多款公仔文具，好吸引呀！ 筆都有過百款，好靚，令人好心動！不過可惜全部都係非賣品啦！/_\ 嚟到畫展，我哋突然變得有藝術氣質咗！XD 除咗Hello Kitty之外，仲有Little Twin Stars, My Melody，每幅都畫得好靚呀！*o* 繼續欣賞埋其他作品，看完一幅又一幅，睇得十分開心自在~ 終於明白點解啲人會去睇畫展喇！只要係自己有興趣嘅事物，就會樂在其中，心情自然豁然開朗~ 啲畫好似有魔法咁，睇完心情都開心啲呀！ 咁多唔同顏色嘅顏料，梗係同填色有關係啦！ 冇錯！響呢度可以幫布甸狗填上唔同顏色，發揮無限創意，設計出獨一無二嘅小布甸~ $69/set，可以即買即畫，係一個唔錯嘅親子活動嚟呀！ 想試畫其他公仔又得啫！場地有多塊黑板附設埋粉筆畀大家跟住教學畫，簡單易學，晴朗都畫咗幾個唔同卡通人物喇！ 大家都可以試下跟住畫丫！(可按圖放大) 畫完大口仔都未夠，仲要加一個氣球畀佢揸住，小朋友嘅創意真可愛~ 大公無私唔偏心！送隻風箏畀青蛙去郊遊囉！當風箏遇上風....XD 有氣球賣！好靚嘅氣球喇喂！快啲過嚟買番個啦！^o^ 七八十年代至千禧年代嘅小飾物，夠晒懷舊呀！ 呢隻公仔你又識唔識？我哋唔知佢叫咩名，但係認得個樣。咁樣估下估下都可以考下記性㗎！ Hello！布甸~ 叫埋青蛙出嚟一齊玩啦！hohoo~ 青蛙你想去邊度玩呀？我陪你丫！好天氣，不如到郊外玩玩囉！~ 大街小巷，四圍都設計得好靚，尤如置身於Sanrio小鎮之中~ 巿中心仲有個巨形時鐘，鐘上有齊最hit 12個卡通人物，如果將佢變成手錶，一定大把fans搶購啫！*o* 朗朗覺得周圍都好新奇有趣，就好似去咗主題樂園一樣呀！ 梳乎蛋係晴朗媽媽近年嘅大愛之一，晴朗已經對佢十分熟悉。見佢就嚟由屋上跌下，立即伸手扶佢一把~ XD 嚟到一間小商店，展示咗好多極具收藏價值嘅展品~ 企鵝Sam風扇同Hello Kitty懷舊電話勁吸睛！ 士多啤梨大王嘅屋企好大，好舒適呀！ 除咗有客廳，仲有書房、bb房，舒服到我哋都想瞓埋一份喇！^^ Hello Kitty噴水池咁有特色，快啲嚟影番張合照啦！ 咁啱大口仔正響附近派餅，咁我哋就唔客氣喇！^o^ PC狗同布甸狗原來好老友㗎！相比之下，布甸狗似乎要減下肥喎！XD 學lala咁篤住塊面笑係咪可愛啲呢？XD 在澳門旅遊塔之下欣賞Sanrio煙花，璀璨奪目，好浪漫呀！ 大廈、牆壁都富有濃郁嘅葡萄牙風味，好似同一班Sanrio卡通人物一齊遊澳門咁呀！^o^ 臨走唔好忘記到兩個主題佈景度影相，一次過影晒Melody同Hello Kitty，出嚟效果鍾意先決定買都ok㗎！ 參觀完畢後，會通過會場嘅期間限定店~ 店內貨品琳瑯滿目，有唔少仲要係限定商品嚟添！好特別！ 最欣賞嘅係雨傘，白色呢把有齊唔同嘅卡通人物~ 而紅色呢把就同展場內果個巨型時鐘好相似，兩款雨傘你又會鍾意邊一款呢？ 我哋仲發現新濠影滙內有間Sanrio甜品店呀！ 嘩！Cupcake, macaroon, 蛋糕, 棒棒糖...款款都咁吸引，睇到流晒口水喇！ 另外亦設有gift counter，有其他Sanrio小食禮品~ 包裝得咁靚，送禮自用都咁啱啦！ 呢款Little Twin Stars朱古力仲送襟章添！有時間記得去逛逛睇下有冇心水喇！ 穿越完時光隧道，啲童年回憶係咪番番晒嚟呢？場內所有佈置都設計得十分精美、細緻，真係好靚！我最鍾意睇番啲懷舊嘅Sanrio產品，不過如果可以攞上手摸下，甚至有得賣就更好喇！而晴朗就鍾意玩唔同嘅電動機關裝置，按個掣就有反應，對小朋友嚟講梗係新奇好玩啦！有動當然亦有靜嘅一面，晴朗響畫畫區都留咗好耐，呢度可以激發小朋友嘅觀察力同繪畫興趣，唔錯唔錯！我哋成功將愛好Sanrio卡通人物嘅樂趣延續至下一代，而家晴朗都有自己喜歡嘅卡通公仔喇！到處都係影相打咭位，影相之餘又可以細味每一件展品，滋味無窮！好令人回味！Sanrio粉絲們一定唔可以錯過呀！ 展覧做到10月8號咋！有興趣嘅朋友要把握時間喇！ 精華片段： Our SANRIO TIMES展覽日期：由現在 ~ 8/10/2017時間：11:00 ~ 19:00地點：澳門新濠影滙8號轉播廳網址：http://www.oursanriotimes.com/cn/facebook：https://www.facebook.com/oursanriotimes FIND US on: BLOGs: CONTACT US:
