我真係要同撥妹講聲「辛苦晒！」 因為佢打完針發完燒，之後仲唔知邊度野左感冒 簡直係一波未平一波又起！ 今次係佢第一次感冒，原來咁細個BB普通醫生係唔會睇嘅（至少係我樓下個普通科係唔睇⋯明明有兒科學歷），我哋就即刻帶佢去睇佢自己個兒科，拎咗啲咳藥水同止鼻水藥做備用 唔知點解佢病嘅期間個人特別Hyper 事緣係  星期一星期二開始佢個肚好似扭屎扭得好勁，食野食少咗咁，我已經覺得有少少唔妥 星期三下晝我一摸到去有少少熱就即刻探熱 ALERT！佢已經開始37點幾度，溫度明顯比平時熱 到半夜嘅時候，已經想到38度以上，即刻比退燒藥佢食 係就係退咗一次燒，但之後又燒返，咁梗係即刻拿拿林帶佢去睇醫生啦，呢個情況一直維持咗4日 其實BB出世之後，佢係母體入邊嘅抗體係大概可以用到半歲 所以我BB係四個月時病，重要啱啱過咗流感高峰期，要特別alert！ 今次睇醫生好似上左一課咁 醫生話其實就算BB發燒，Check過唔係特別case（中耳炎，個肺清既，喉嚨發炎，等等） 而個人食得瞓得痾得玩得，就其實冇乜大礙（只要bb仲肯食既，食少咗係唔驚既） 所以只要佢一燒到38以上就比退燒藥佢食就OK！感冒係有機會發燒到39度以上架！至於咳藥水同流鼻水～其實只要唔係狂咳狂流，就唔使食～畢竟撥妹自己會有自己嘅身體防禦機制，會努力咁抵抗病菌 好多人話飲人奶bb嘅抵抗力係會特別好嘅，人奶如果知道BB有病嘅話係會比啲抗體佢，可能咁都有d幫助佢康復 （我係支持母乳餵哺嘅） 另外，我一直以為BB啲病菌係唔會傳染到比大人嘅，但BB本身嘅抗體同人奶嘅抗體都抵禦唔到，咁睇黎今次撥妹發燒睇嚟隻菌係好強，呢個時候大人們都要小心比BB惹到 Baby呀！妳退左燒健康返就真係太好喇！ 撥妹食咗幾日退燒藥，反覆發燒後，終於體溫真係降返落去37度以下 我繼續監察緊佢，希望佢真係好返晒啦 好彩佢淨係真係發燒左兩日啫，加埋之後只有半夜發燒，今個周末我要同老公一齊好好咁補下眠！ 另外喺撥妹感冒既呢星期期間，我都有幫佢物理性咁退下燒，例如： 37.5-37.9 度就開始貼退熱貼（緊記貼左退熱貼係同食退燒藥唔可以同時做嘅，因為如果BB降溫降得太快嘅好容易會抽筋） 同佢繼續沖暖水涼 唔好着太多衫等佢散熱 得閑攞啲暖濕布抹下手腳 每隔兩至四個鐘就幫佢探熱～ BB病真係好可怕 至於佢四個月既update 體重大約6.2Kg  , 身高有大幅成長到63cm 下巴仔仔就變咗雙下巴 無埋條頸 星期一我哋就要帶BB搞Passport啦！ 期待呀！ 延伸閱讀 【月子餐】人奶 媽媽 自己 健康 坐月 無難度！ 【媽媽 教室】PARENTS TAG！DIAPER | MERRIES | PAMPERS  【媽媽 教室】MY BABY ’S MANICURE TIP 【嬰兒 日記】BABY 'S 3 MONTH UPDATES ! 【懷孕 日記】12 WEEKS PREGNANCY！孕婦 初期 營養補充 【懷孕日記】My diary - I’m Pregnant（續）！⋯⋯小BABY黎啦❤0W~12W 【懷孕日記】My diary - I’m Pregnant！ 【懷孕日記】WHAT I ATE TODAY！桑 寄生 茶！加蛋真 好 味 關於育兒既日常 關於可愛既撥妹每日一相