本來約左醫生38週係仁安剖腹，但可能呀B嫌我唔夠營養比佢，佢自己係36週2就穿水要出世啦 果晚瞓到零晨兩點幾，FEEL好似有少少水流出黎咁，一企起身即刻係咁流出黎，老公就即刻起身同我入院當時真係好緊張，好彩老公夠冷靜 去完小便貼塊夜用M巾拎埋走佬袋就預備出門 (其實一貼完M巾行幾步就已經濕到漏晒) 一路出發一路都好緊張，心入面不停記住要盡快平躺，一路坐的士果時都盡量斜斜地唔坐直 去到醫院上左產房樓層姑娘就開始幫我檢查，老公就落左大堂登記入院 姑娘會檢查下血壓果D，同埋會問返一D資料例如話驗左B鏈未咁，同會訓上床check下開左幾多度，原來我已經開左兩度，但竟然一d感覺都無，因爲我剖腹咁姑娘仲會幫我剃左d毛毛，然後再係手背插豆抽左兩支血，因爲我B鏈報告未出，咁就同時要打B鏈針 檢驗完原來我已經開左兩度又係半夜，姑娘就不停勸我順產，因爲要老公陪產剖腹要等到朝早7點先可以，但我真係太驚所以堅持等到朝早7點 姑娘就解釋如果等唔切就要搵佢地既駐院醫生接生，而且等開刀既時候姑娘每檢查一次開到幾多度都要收檢查費，如果順產就唔需要比呢個檢查費，我都係堅持等到朝早7點開刀，咁姑娘就帶左我入候產房啦 歡迎follow我facebook專頁：Miku媽媽&大舊