話咁快蠔豉妹妹就2個月大啦~ 由有左之後，我就決定要為妹妹搞2個party~ 一個就係for親戚既傳統百日宴，另一個就係for自己自high，請朋友既雙滿月party~   一開始打算去party room開雙滿月派對，但原來唔係好多地方可以容納40-50人，加上全部party room都係按人頭計，但只係包飲品，所以計計下都幾貴就放棄左~最後我就搵左朋友仔book會所~會所真係好平！2間房打通之後可以容納到50-60人，而且只係$200/鐘~最後一共$800就ok :)   不過book會所就一定無party room咁靚，基本上只係一間meeting room，乜都無...所以就要開始著手睇佈置~一開頭搵既都係一啲好standard既百日宴裝飾，基本上都差唔多樣，有啲普通...仲要都收得唔平...基本既波波裝飾加logo foamboard / banner都要$2500 - $4000...   正當我無助之時，我就問其中一位designer朋友仔因為佢做開啲大型wedding識好多人(一直以為佢會收得好貴)，所以就問佢有無相熟做開百日宴/滿月/baby shower design既人，點知佢竟然話佢幫我design，仲問我有幾多budget，佢盡做！   朋友仔本身就已經有幾個wedding design project 係手，但佢每個都handle得好好，好快就俾左啲idea、reference同我傾~之後好快就俾到個效果圖同draft我睇~一見到我已經心心眼到爆！   當日我同朋友仔分工合作，佢幫我完成backdrop既balloon arch、Candy corner同Welcome board~   簡單既野，泵下波波，整下相呢啲就交俾我呢位新手媽媽~   相我都只係叫朋友仔幫我print返蠔豉妹妹呢幾十日既相出黎綁返係氫氣球個尾到就ok~大家又可以見證住每日成長既妹妹 :)   呢啲波波係我同朋友仔自己design嫁~之後搵人印字貼~因為係街買一個都要$150以上，自己整成本都係around$70 :p   朋友仔真係超專業，佢留意到Backdrop後面係一塊會反光既玻璃面，所以佢先錶起一大張sticker(如果唔係影相就會唔靚，會反光同影到其他人)，之後先整balloon arch同蠔豉妹妹既名牌~名牌係朋友仔親自噴左金係面嫁~   最後所有野set up好晒真係靚到哇一聲！   講真，我真係無諗過會整到咁靚，朋友仔係第一次接Baby party/百日宴呢類既project，佢之前完全無接觸過，我本身諗住做到7、8成已經 very good...點知係做到120%！真係靚到令我驚訝！全場既賓客都狂讚同狂影相！！！就連平日多多要求既老公老讚不絕口！最誇張既係連路人(其實係嗰到既住戶)都企係門口偷影我地，以為我地係搞wedding :p   下一篇，我會講埋Candy Corner同食物~因為都一樣係我地自己半DIY :)   Facebook : 80後的人妻「旅」友  Instagram : https://www.instagram.com/wingring/ 邀稿 : wingring417@gmail.com / wingring@ymail.com