每逄爸爸放假小JM就有「食神」啦。 爸爸總會為小JM預備美味既料理， 今次爸爸仲為小JM整左BB版羅宋湯添！   鍾意飲羅宋湯既人一定知道羅宋湯當中既魔力同好處， 羅宋湯可以話係一款有益健康既湯水， 真係好岩大人同小朋友飲架。   羅宋湯 既益處：  －營養豐富 －減低腸胃問題 －改善血管堵塞問題 －有助減緩皮膚衰老 －提高骨骼韌性及強度 －有助促進腸道消化能力     因為製作羅宋湯會使用到芹菜、蕃茄、紅蘿蔔、洋蔥等蔬菜， 所以羅宋湯所含既營養亦好高，岩晒大人小朋友飲用。 而湯中既蔬菜亦提供左不同既營養需求添架。 又得食又有得飲，所以岩晒小JM呢個為食豬。   簡易至「營」BB版羅宋湯 材料：  芹菜    一棵 椰菜    半個 洋蔥    一個 蕃茄    三個 薯仔    一個 甜紅椒    一個     紅蘿蔔    一個 碎牛肉    適量 ＊如素食者可以選擇不用加喔，就可以變成美味既雜菜湯啦！＊   做法：  1.）先預備一煲熱水，備用   2.）    先將全部材料洗淨   3.）    將洋蔥去衣，切成粒狀。     芹菜、椰菜、蕃茄、甜紅椒皆切成粒狀   4.）    將薯仔及紅蘿蔔去皮，切片再切成粒狀   5.）    將所有材料全部放入煲水內煮，     煮大約 30分鐘左右即可加入牛肉碎一同煮，     以增加湯中牛肉既味道。     再煮30-40分鐘即成。   ＊完成後可自行因應個人口味加入適量調味喔！＊   上圖就係岩岩落煲同已煲好既分別啦！顏色依然吸引！   小JM已經用行動表示好好味，清完又清。 不枉爸爸一番心機整野俾你食既又， 睇住小JM食野個樣，我同爸爸都一樣咁滿足！   其實羅宋湯除左就咁飲之外仲可以加入粉、麵、或飯來煮， 咁就會變出無限款式既美食架啦。   今次爸爸除左用來煮湯之外亦都加入左BB麵， 小JM真係大滿足呀！ 簡易BB版羅宋湯製作簡單快捷， 真係岩晒我呢啲懶媽媽。         ♫ ESDlife靚太Club 。 星級榮譽會員 ★ sleepyceci  ♬ ♩ BK Milk。親子語。駐站Blogger  ★ 傑。斯與晴  ♪ ♫ Mami Buy香港媽咪幫。駐站Blogger ★ 傑。斯與晴 ♬ ♩ Ohpama。Oh爸媽。駐站Blogger  ★ 傑。斯與晴  ♪ ♫ 媽媽經 。 駐站精選Blogger  ★ 傑。斯與晴   ♬ ♩ Ubaby Magazine。駐站Blogger  ★ 傑。斯與晴  ♪ ♫ MyBB.com。 駐站Blogger  ★ 傑。斯與晴   ♬   歡迎追蹤 小JM 既Fanspage 「傑。斯與晴」： 如有任何查詢/合作，歡迎聯絡我同小JM 參與產品試用或者各樣活動 媽咪既Email係： sleepyceci＠hotmail.com 小JM既Facebook Page： 傑。斯   與   晴 （Jolie Babe。小JM の 成長印記）